Casgliadau Celf Arlein

Delwedd o brydferthwch delfrydol yw’r portread hwn o fenyw ffasiynol â’i gwallt mewn snood, wedi’i seilio mwy na thebyg ar ddarluniau gweithdy dan ddylanwad artistiaid lleol megis Pintoricchio (m 1513) a Perugino (m 1523). Piatto da pompa neu ddysgl arddangos gyffredin yw hon o Deruta yn Umbria, tref grochenwaith fechan, ond pwysig oedd yn arbenigo mewn addurn gwydriad euraid arbennig ar grochenwaith wedi’i baentio’n las. Mewn Eidaleg ar y sgrôl mae’r geiriau TU SOLA SE CHOLEI CHE POIE AITARME (‘ti yw’r unig un all fy helpu’). Awgryma’r datganiad anobeithiol yma taw anrheg priodas oedd y ddysgl, efallai’n un o bâr gyda’r llall yn dangos y priodfab. Mae’n bosibl bod y llinell yn dod o gerdd, soned gan Petrarch efallai, ond nid oes unrhyw ffynhonnell wedi cael ei chanfod.