Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Rydym yn ymwybodol bod 'na negeseuon yn ymddangos ar wefannau cymdeithasol yn hysbysebu stondinau masnachol mewn digwyddiadau yn Sain Ffagan. Fe fydd unrhyw wybodaeth am gyfleoedd masnachol yn dod yn uniongyrchol o dudalennau swyddogol yr Amgueddfa. Os ydych yn dod ar draws un o’r negeseuon yma fe ofynnwn yn garedig i chi ei hadrodd yn syth i Meta.
Diolch i gefnogaeth Bwyd a Diod Cymru rydym yn falch i barhau gyda’n partneriaeth â Food Cardiff i gynnal cyfres o weithdai a sesiynau i deuluoedd yn Ardal Bwyd Da Caerdydd yng Ngŵyl Fwyd Amgueddfa Cymru eleni.
Rydym hefyd yn gyffrous i gyhoeddi pabell goginio newydd wedi’i arwain gan Nerys Howell - Food Specialist bydd yn ffocysu ar gynnyrch a bwyd tymhorol o Gymru.
Yn yr Ardal Bwyd Da bydd gweithgareddau hwyliog i’r teulu cyfan ddysgu am fwyd sy’n dda i bobl a’r blaned. Wedi'i gynnal gan Bwyd Caerdydd gyda Beca Lyne-Pirkis (Cogydd, Cyflwynydd, Awdur a Seren Great British Bake Off), bydd y babell yn cynnwys gweithdai ysbrydoledig, arddangosiadau, sgyrsiau a gweithgareddau i ddathlu bwyd lleol.
Mae O'r Pridd i'r Plât yn ardal newydd sbon i'r ŵyl eleni!Ymunwch â'r cogydd a'r arbenigwr bwyd, Nerys Howell, am gyfres o sesiynau i werthfawrogi a mwynhau cyfoeth o gynnyrch arbennig o Gymru. Bydd y rhaglen yn cynnwys arddangosiadau coginio, sesiynau blasu bwyd a diod, sgyrsiau gyda chynhyrchwyr lleol, a chyfle i ddysgu mwy am hanes a threftadaeth bwyd yng Nghymru trwy gasgliadau'r Amgueddfa a'r cynnyrch sy'n cael eu cynhyrchu yma yn Sain Ffagan.
Am ragor o wybodaeth, cymerwch olwg ar raglen yr ŵyl.
