Mae amrywiaeth o weithgareddau ar gael yn Big Pit! Archwiliwch a phrofwch:

Gweithdai addysg:

Plant y Pwll Glo: Gweithio yng Nghymru'r Chwyldro Diwydiannol (Cam Cynnydd 3)

Sut oedd bywyd i'r plant a oedd yn gweithio ym mhyllau glo Cymru?

O'r Pwll i'r Iard Chwarae: Plentyndod yng Nghymru wrth i'r Wlad Newid (Cam Cynnydd 2)

Camwch yn ôl mewn amser i brofi diwrnod ym mywyd y plant oedd yn byw yn ardaloedd glofaol Cymru yn y bedwaredd ganrif ar bymtheg. Dewch i gael cip ar fywyd yn y gwaith, y cartref a'r ysgol, a darganfod pa mor wahanol yw bywyd i blant heddiw.

Mewn i'r Drifft: Profiad danddaear (Cam Cynnydd 2) 

Beth yw glo a sut fyddai'n cael ei gloddio yng Nghymru? Dysgwch am hanes y dynion, menywod, plant ac anifeiliaid fu’n gweithio dan ddaear.  

Glo Mân: Glowyr a Pherchnogion y Pyllau Glo mewn 30 munud (Cam Cynnydd 3) 

Dysgu am fywydau pedwar dyn a menyw o orffennol diwydiannol Cymru. Fe gewch archwilio themâu mudo, rôl glo stêm Cymru, peryglon y diwydiant glo a datblygiad diwydiannol Cymru.

Glo Mân: Streiciau Glowyr yng Nghymru mewn 30 munud (Cam Cynnydd 4)

Darganfyddwch fwy am brofiad streiciau glowyr yng Nghymru, ac edrych ar yr effaith a gawson nhw ar lowyr, eu teuluoedd a bywyd mewn cymunedau diwydiannol. 

Hefyd: '12 Mis Allan' - 'Pan Oedd Glo yn Frenin' - gweithdy rhithiol AM DDIM sy’n adeiladu ar y daith danddaearol ac all gael ei wneud yn y dosbarth dros Microsoft Teams cyn, neu ar ôl eich ymweliad.

Taith Danddaearol - AM DDIM!

Teithiwch 90 metr (300 llath) danddaear a chael taith unigryw a chyfareddol drwy ran o'r hen waith glo gydag un o Dywyswyr Glofa Big Pit.

Brenin Glo - AM DDIM!

Mwynhewch brofiad clyweledol cyffrous ag arddangosfeydd o offer pyllau glo modern yn Orielau Glofaol Big Pit.

Y Baddondai Pen Pwll - AM DDIM!

Yn adeilad y Baddondai mae amgueddfa sy’n defnyddio gwrthrychau a delweddau i adrodd stori cloddio am lo yng Nghymru.

Adeiladau Hanesyddol - AM DDIM!

Gallwch chi weld a darganfod mwy am adeiladau ac offer o gwmpas yr Amgueddfa fyddai’n hanfodol i’r gwaith cloddio yn Big Pit

I ddysgu mwy am y dyddiadau sydd ar gael a'r costau, e-bostiwch igpitemail@museumwales.ac.uk gan gynnwys enw'r ysgol, nifer y disgyblion, oed y dosbarth a'ch dyddiadau delfrydol.