Wedi dal mewn Eiliad
![](/media/30970/Gnat_page.jpg)
Gwybedyn y Madarch (Sciaridae)
Gallech chi gredu taw dim ond ddoe y bu’r anifeiliaid bychan yma farw, ond mewn gwirionedd, mae nhw tua 50 miliwn o flynyddoedd oed.
Mae un o’n myfyrwyr profiad gwaith wedi bod yn defnyddio meddalwedd newydd i greu delweddau o’r casgliad ambr i’w rhannu â chi. Dyma hi’n defnyddio microsgop i dynnu lluniau o wahanol ddyfnderoedd mewn sampl ambr, cyn cyfuno’r darnau o bob llun oedd mewn ffocws i greu un delwedd glir.
Drws i fyd hynafol
Bu farw’r anifeiliaid yma ar ôl cael eu dal yn y resin meddal gludiog y bydd coed pinwydd yn ei gynhyrchu i’w gwarchod rhag haint. Pan fu farw’r coed, cafodd y resin ei gladdu danddaear mewn haenau o lystyfiant a gwaddod – a trodd gwasgedd a gwres y resin yn ambr caled.
O gyffiniau Môr y Baltig y daw’r rhan fwyaf o’n casgliad ambr ac mae’r anifeiliaid yn cynnwys morgrug, pryfed glas, chwilod, pryfed, gwybed mân, medelwyr, gwyfynod, mwydod nematod, corynnod a chacwn. Roedd y creaduriaid yma yn byw o leiaf 50 miliwn o flynyddoedd yn ôl yn fforestydd y cyfnod Eocenaidd. Roedd hwn yn gyfnod o hinsawdd ‘tŷ gwydr’ llawer cynhesach na heddiw o ganlyniad i lefelau carbon deuocsid uwch yn yr atmosffer.
Yn y casgliad hefyd mae cacynen mewn ambr o waddodion y cyfnod Cretasig yn New Jersey, UDA – felly roedd yn fyw yr un oes â’r deinosoriaid!
Gofalu am ambr
Rydyn ni’n cadw’r casgliad ambr mewn cynhwysyddion aerdyn mewn ystafell lle gall y tymheredd a’r anwedd dŵr (lleithder) gael eu rheoli. Os yw ambr yn symyd yn rhy sydyn rhwng atmosffer rhy sych i un rhy llaith, gall holltau bach agor, gan gau’r drysau hyn ar y gorffennol.
Trapped in Amber
![](/media/30828/thumb_1600/98.7G.1zoom-Fungus-Gnat-Sciaridae.jpg)
Gwybedyn y Madarch (Sciaridae)
![](/media/30827/thumb_1600/98.7G.2-Ant-and-Spider.jpg)
Morgrugyn a Chorryn
![](/media/30826/thumb_1600/98.7G.5-Spider.jpg)
Corryn
![](/media/30825/thumb_1600/98.7G.6-Fungus-Gnat-Sciaridae.jpg)
Gwybedyn y Madarch (Sciaridae)
![](/media/30824/thumb_1600/98.7G.8-Fungus-gnat-Sciaridae.jpg)
Gwybedyn y Madarch (Sciaridae)
![](/media/30823/thumb_1600/98.7G.24-Biting-Midge-and-Moth.jpg)
Gwybedyn Brathog a Gwyfyn
![](/media/30822/thumb_1600/2004.44G.9-Wasp-possibly-Stigmaphronidae.jpg)
Cacynen, efallai Stigmaphronidae
![](/media/30821/thumb_1600/2007.2G.1-Beetle.jpg)
Chwilen
![](/media/30820/thumb_1600/2007.2G.1-True-Fly-Diptera-Head.jpg)
Pryfyn (Diptera)
![](/media/30819/thumb_1600/2007.2G.1-True-Fly-Diptera.jpg)
Pryfyn (Diptera)
![](/media/30818/thumb_1600/98.7G.1-Fungus-Gnat-Sciaridae.jpg)
Gwybedyn y Madarch (Sciaridae)
sylw - (3)
Hi there
Thanks for your enquiry - I'll ask our curators to see if they can help you identify your find. I'll get back to you via email so that you can send them a picture if required.
Sara
Digital Team