Orielau

Yn gartref i un o gasgliadau mwyaf trawiadol Ewrop o gelf fodernaidd ac argraffiadol, mae ein Horielau Celf Argraffiadol a Modern yn cynnig gofod cain a soffistigedig i gynnal eich digwyddiad.

Wedi'u lleoli ar y llawr cyntaf yng nghanol yr Amgueddfa, gall gwesteion fwynhau derbyniadau diodydd wrth edmygu gweithiau gan artistiaid byd-enwog fel Monet, Renoir, Van Gogh a’r eiconau Cymreig Augustus a Gwen John.

Gan gynnwys darnau gwerthfawr o'n casgliad cenedlaethol ni, mae ein horielau trawiadol yn darparu lleoliad unigryw a diddorol ar gyfer derbyniadau, nosweithiau lansio agos-atoch, priodasau a phartneriaethau sifil.

Mae ein horielau yn gwbl hygyrch gyda mynediad lifft i bob llawr gan gynnwys y tai bach, a digon o le ar gyfer hyd at 300 o westeion.

Mae'n hawdd diwallu eich anghenion o ran systemau PA, seinyddion ac offer clyweledol eraill. I ddiddanu'ch gwesteion, gall deuawdau neu bedwarawd llinynnol, neu delynores greu’r naws ar gyfer eich digwyddiad yn y mannau hyn.

Siaradwch â'n tîm i wybod mwy am yr opsiynau arlwyo. At ddibenion cadwraeth, dim ond diodydd clir sy'n cael eu gweini yn yr orielau.

Ymhlith y cleientiaid sydd wedi mwynhau nosweithiau yn ein horielau mae FOR Cardiff, Knights Brown Construction a'r Celtic English Academy.

Mae prisiau llogi lleoliad unigryw yn dechrau o £3,700 + TAW. Mae pecynnau arlwyo’n cael eu gwerthu ar wahân. Cysylltwch â'n tîm digwyddiadau ymroddedig i gael dyfynbris i gynnal eich digwyddiad yn ein horielau.