Digwyddiad:Datganiad ar yr Organ

Richard Walker yw Cyfarwyddwr Cerdd Cynorthwyol Eglwys St Chad, Amwythig, ac mae’n cyfeilio i’r rhan fwyaf o’r prif wasanaethau, yn trefnu 45 cyngerdd awr ginio bob blwyddyn, ac yn rhoi datganiadau ar yr organ. Mae hefyd yn chwarae’n gyson yn Eglwys Plwyf Llwydlo. Astudiodd Richard yr organ wrth lin David Willcocks, gan ennill diploma ARCO ac FRCO yn yr un flwyddyn – a’r ddwy gyda gwobr.

Mae wedi canolbwyntio yn bennaf ar ddysgu, yn gyntaf yn Academi Caeredin, cyn dod yn Gyfarwyddwr Cerdd yng Ngholegau Daniel Stewart a Melville yng Nghaeredin (1975 – 80), Ysgol Leys Caergrawnt (1980 – 85), ac Ysgol Harrow (1985 – 2005). Bu hefyd yn Organydd Cynorthwyol Eglwys Gadeiriol Esgobol y Santes Fair ac yn Organydd St. John’s, Stryd y Frenhines yng Nghaeredin.

Ar wahân i’r organ mae Richard yn chwarae’r piano mewn cerddoriaeth siambr a deuawdau, a’r bas dwbwl yng Ngherddorfeydd Llwydlo a’r Amwythig.