Casgliadau Celf Arlein
Glanfa Margate [Margate Jetty]
TURNER, Joseph Mallord William (1775 - 1851)
![](/media/22835/nmwa5186.jpg)
Cyfrwng: olew ar gynfas
Maint: 38.1 x 27.9 cm
Derbyniwyd: 1952; Cymynrodd; Gwendoline Davies
Rhif Derbynoli: NMW A 5186
Casgliad: Casgliad y Chwiorydd Davies
Gwrthodwyd y paentiad hwn fel gwaith gan Turner ym 1956, ac mae wedi’i gatalogio fel un ‘yn null’ Turner byth ers hynny. Yn y catalog cyflawn o baentiadau Turner, a gyhoeddwyd ym 1977, mae’n ymddangos yn y rhestr o weithiau nad ydynt yn cael eu priodoli i Turner mwyach. Fodd bynnag, credir erbyn hyn mai darn dilys o gyfansoddiad mwy ydyw, sy’n esbonio’r maint a’r fformat anghyffredin. Hwyrach mai’r darn gorau o gynfas a ddifrodwyd yn sylweddol ydyw, a’i fod wedi’i gadw a’i ymestyn yn y cyfamser. Mae’r gwaith wedi dioddef fodd bynnag – yn ogystal â chael ei dorri, efallai ei fod wedi’i rolio ar un adeg. Mae gwaith dadansoddi’n dangos fod yr olion brwsio a’r detholiad o liwiau a ddefnyddiwyd yn nodweddiadol o baentiadau olew diweddar Turner.
Mae’r paentiad yn dangos y lanfa bren 1100 troedfedd a adeiladwyd ym Margate ym 1824. Roedd llongau stêm yn cludo ymwelwyr i Margate, ac yn angori yn y lanfa pan oedd y dŵr yn rhy isel i ddefnyddio’r harbwr. Byddai Turner wedi gweld yr olygfa hon o’i dŷ llety ym Margate.
Prynodd Gwendoline Davies y braslun olew hwn o Dowdeswell Galleries, trwy Hugh Blaker, ym 1910, yn ogystal â Bad Hwylio ger Deal.
sylw - (3)
Dear Bobby,
Many thanks for your interest in Margate Jetty. Unfortunately this painting is not currently on display but please do check with us again in the future as displays do change regularly. It may be possible to view works of art in the Museum stores or the Prints & Drawings study room for research purposes, however I'm afraid this is not currently possible due to Covid-19 restrictions.
With best wishes,
Maeve Heath
Departmental Administrator – Art