Mae'r cwcis hyn yn gwbl angenrheidiol ar gyfer weithrediad y wefan.
Rydym yn defnyddio Google Analytics i fesur sut ydych yn defnyddio'r wefan er mwyn i ni ei wella yn seiliedig ar angen defnyddwyr.
Gall y cwcis hyn gael eu gosod gan wefannau trydydd parti a gwneud pethau fel mesur sut rydych yn gwylio fideos YouTube.
Rydym yn ymwybodol bod 'na negeseuon yn ymddangos ar wefannau cymdeithasol yn hysbysebu stondinau masnachol mewn digwyddiadau yn Sain Ffagan. Fe fydd unrhyw wybodaeth am gyfleoedd masnachol yn dod yn uniongyrchol o dudalennau swyddogol yr Amgueddfa. Os ydych yn dod ar draws un o’r negeseuon yma fe ofynnwn yn garedig i chi ei hadrodd yn syth i Meta.
Rydym am i’r Ŵyl Fwyd fod yn brofiad croesawgar a phleserus i bawb. Rydym yn falch o gyhoeddi y bydd rhaglen Iaith Arwyddo Prydain (BSL) yng Ngŵyl Fwyd Amgueddfa Cymru eleni.
Bydd cyfieithwyr ar y pryd symudol ar gael yn y digwyddiad i dywys ymwelwyr B/byddar o amgylch yr ŵyl, mynychu gweithdai gyda nhw, ac i'w helpu i archebu bwyd a diod. Bydd y gwasanaeth hwn yn cael ei ddarparu gan gyfieithwyr ar y pryd cwbl gymwysedig a rhai cyfieithwyr ar y pryd dan hyfforddiant / gweithwyr cymorth cyfathrebu.
Bydd rhai gweithgareddau a pherfformiadau yn cael eu cynnal a'u perfformio gan hwyluswyr a pherfformwyr byddar:
- Gweithdy Matiau Rhacs (Dydd Sadwrn)
- Sesiynau Blasu Iaith Arwyddo Prydain (BSL)
- Perfformiadau Crwydrol gan Theatr Taking Flight
Bydd hefyd ardal yn y prif adeilad lle gall y gymuned B/byddar gyfarfod i gymdeithasu a gweld beth sy'n digwydd yn yr ŵyl.
Awyddus i ddysgu BSL? Dewch i un o’r sesiynau blasu.
Does dim ots os mai ychydig neu ddim gwybodaeth flaenorol o BSL sydd gennych chi, mae'r sesiynau rhyngweithiol ac anffurfiol hyn wedi'u cynllunio i groesawu pob oedran a lefel sgil. Nid oes angen i chi archebu ymlaen llaw, dim ond troi i fyny ar yr amser cychwyn penodedig ac ymuno!
Trowch at ein canllaw hygyrchedd am fwy o wybodaeth am y digwyddiad a’r hyn y gallwch ei ddisgwyl i'ch helpu i gynllunio.
