Gŵyl Fwyd Sain Ffagan - Newyddion Diweddaraf

Rydym yn falch i gyhoeddi bydd gwasanaeth cyfieithu ar y pryd Iaith Arwyddion Prydain (British Sign Language / BSL) ar gael yn yr yn yr ŵyl fwyd eleni.

Mae cyfieithwyr ar y pryd symudol ar gael yn y digwyddiad i dywys ymwelwyr B/byddar o amgylch yr ŵyl, mynychu gweithdai gyda nhw, ac i'w helpu i archebu bwyd a diod. Gellir archebu cyfieithwyr ar y pryd symudol ar y diwrnod o'r babell cyfieithwyr Iaith Arwyddion Prydain (BSL) yng Nghae Cilewent.

Bydd rhai gweithgareddau yn cael eu cynnal gan hwyluswyr a pherfformwyr byddar - gan gynnwys theatr stryd, gweithdai crefft, sesiynau yn Ardal Bwyd Da Caerdydd a thaith dywys o amgylch rhai o adeiladau hanesyddol yr Amgueddfa.

Cymerwch olwg ar raglen yr ŵyl am ragor o wybodaeth. 

Rydym yn edrych ymlaen at groesawu chi i Sain Ffagan ar 13 a 14 Medi.