Gŵyl Fwyd Sain Ffagan - Newyddion Diweddaraf
12-13 Medi 2026
Rydym yn ymwybodol bod 'na negeseuon yn ymddangos ar wefannau cymdeithasol yn hysbysebu stondinau masnachol mewn digwyddiadau yn Sain Ffagan. Fe fydd unrhyw wybodaeth am gyfleoedd masnachol yn dod yn uniongyrchol o dudalennau swyddogol yr Amgueddfa. Os ydych yn dod ar draws un o’r negeseuon yma fe ofynnwn yn garedig i chi ei hadrodd yn syth i Meta.
Bwyd Fegan a ‘Rhydd Rhag’
26 Awst 2025
Mae Gŵyl Fwyd Sain Ffagan ar y gweill! Gyda dros 70 stondin bwyd, diod a chrefft, bydd rhywbeth at ddant pawb, gan gynnwys digonedd o opsiynau fegan a ‘rhydd rhag’.
Fegan
Pizza Ffwrnes - Un o’u pizzas blasus yw’r Marinara fegan - saws tomato, garlleg, oregano, basil ac olew olewydd.
Mr Croquewich - Brechdanau caws wedi’u grilio, yn cynnwys un gyda chaws fegan a siytni winwns coch.
Franks – Selsig fegan blasus gan Franks Hot Dogs
Wicked Berry – Awydd rhywbeth melys? Mae Wicked Berry yn cynnig hufen ia siocled fegan.
Patisserie Verte – danteithion patisserie fegan
Heb Glwten
El Cabron Tacos – Chwilio am fwyd Mecsicanaidd? Mae holl gynnyrch El Cabron Tacos heb glwten na chnau.
FudgePots – Popeth heb glwten ac yn addas i lysieuwyr
Good & Proper Brownies – brownis blasus heb glwten
2Greedy Catering – Mae’r cwmni yn gwerthu detholiad o gacennau a bwydydd sawrus heb glwten
The Real Ting – Mwynhewch gyri bwmpen gan The Real Ting. Cyri fegan heb glwten.
Di-alcohol
Dirwest – cwrw a jin di-alcohol, heb glwten ac yn addas i feganiaid
Dyma ddetholiad bach o’r stondinau bydd yn gwerthu bwydydd blasus yn yr Ŵyl Fwyd eleni. Ewch i’r rhestr lawn am ragor o fanylion.