Bylbiau'r Gwanwyn i Ysgolion
Ymunwch â'r miloedd o wyddonwyr ifanc sy'n ymchwilio i'r hinsawdd gydag Amgueddfa Cymru
Mae gwyddonwyr ifanc o bob cwr o'r DU yn defnyddio bylbiau cennin Pedr a crocws i astudio effeithiau newid hinsawdd
Mae'r astudiaeth yn gwella sgiliau gwyddoniaeth a rhifedd tu allan i'r dosbarth drwy gael disgyblion i blannu, arsylwi, a chadw cofnodion tywydd. Mae'r project yn cael ei gynnal yn Gymraeg a Saesneg, ac yn addas ar gyfer ysgolion mewn dinasoedd, trefi, a chefn gwlad.
20 mlynedd o ymchwil Hinsawdd!
Ers 2005, mae disgyblion ledled y DU wedi plannu bylbiau a dilyn eu tyfiant—yn creu set ddata gwerthfawr sy'n dangos sut mae newid yn yr Hinsawdd yn effeithio ar ein hamgylchedd. Ers i'r prosiect ddechrau, mae 98,000 o wyddonwyr hinsawdd o 2,800 o ysgolion wedi plannu 200,000 o fylbiau!
Astudiaeth hirdymor sy'n digwydd ar draws y Deyrnas Unedig:
- Dechreuodd yr astudiaeth hir-dymor yng Nghymru yn 2005, cyn ehangu i'r Alban a Lloegr yn 2011, ac i Ogledd Iwerddon yn 2017. Mae Bylbiau'r Gwanwyn i Ysgolion yn dathlu ei ben-blwydd yn 20 oed yn ystod blwyddyn academaidd 2025-26!
- Athro’r Ardd a’r Bwlb Bychan yw'r cymeriadau cartŵn sy'n arwain yr ymchwiliad. Maen nhw'n gwahodd plant i gymryd rhan, yn ateb cwestiynau'r disgyblion ac yn rhannu adnoddau a blogiau drwy gydol y project.
- Gwobrau Gwyddonwyr Gwych 2023-24
- Enillwyr Bylbcast 2024
Cymryd rhan:
- Rhaid i ysgolion gofrestru yn ystod tymor yr haf – ar gyfer dechrau yn yr hydref.
- Bydd y bylbiau yn cael eu plannu ar ddiwrnod penodol ym mis Hydref.
- Rhwng Tachwedd a diwedd Mawrth bydd y disgyblion yn cadw cofnodion tywydd bob dydd.
- Rhwng Ionawr a diwedd Mawrth bydd y disgyblion yn arsylwi ac yn cofnodi tyfiant a blaguro.
- Mae ysgolion sy'n cwblhau'r astudiaeth yn derbyn tystysgrifau Gwyddonwyr Gwych ac yn cael cyfle i ennill taith i amgueddfa neu ganolfan wyddoniaeth.
'Mae'n bleser cydweithio â Edina Trust, sy'n noddi'r astudiaeth ar draws y DU'
Dyma Beth Sydd Angen i Chi Wneud
Mae ceisiadau yn llawn!
Bydd ysgolion sy'n cymryd rhan yn derbyn eu pecyn adnoddau erbyn dechrau mis Hydref.
Bydd ysgolion yn plannu eu bylbiau ym mis Hydref ac yn cofnodi'r tywydd o fis Tachwedd tan fis Mawrth.
Bydd ysgolion yn cofnodi eu data tywydd a blodau ar y wefan hon, gan gyfrannu at ein hastudiaeth genedlaethol.
Crynodeb
Nifer yr ysgolion wnaeth gymryd rhan eleni
Tymheredd cyfartalog yr holl ysgolion
Glawiad cyfartalog yr holl ysgolion
Cyfanswm y data a gasglwyd eleni
Lleoliad, Tywydd, a Data Blodau Ysgolion
Blog Blodau
Adnoddau Athrawon
Calendr o Wythnosau pan Fydd Ysgolion yn Casglu Data Tywydd
2025
-
3 Tach – 7 Tach
-
10 Tach – 14 Tach
-
17 Tach – 21 Tach
-
24 Tach – 28 Tach
-
1 Rha – 5 Rha
-
8 Rha – 12 Rha
-
15 Rha – 19 Rha
2026
-
5 Ion – 9 Ion
-
12 Ion – 16 Ion
-
19 Ion – 23 Ion
-
26 Ion – 30 Ion
-
2 Chwe – 6 Chwe
-
9 Chwe – 13 Chwe
-
16 Chwe – 20 Chwe
-
23 Chwe – 27 Chwe
-
2 Maw – 6 Maw
-
9 Maw – 13 Maw
-
16 Maw – 20 Maw
-
23 Maw – 27 Maw
