Arddangosfa:Prosiect Y Siôl Gymunedol- cysylltu straeon ein cymunedau

Sefydlodd yr artist a hwylusydd cymunedol Emma Bevan y Prosiect fel ymateb i weithio gyda Kirstie MacLeod a’r Wisg Goch. Mae'r arddangosfa'n rhan o gyfres o arddangosfeydd, sgyrsiau a gweithdai i dynnu sylw at frwydrau a naratif menywod, ac i gynnig llwyfan i'n lleisiau. Cofrestrodd dros 120 o gyfranogwyr i greu sgwâr ffabrig gydag elfen o goch. Mae pob darn o waith hardd yn gywrain ac yn unigryw, gan adrodd ei stori ei hun - symbolau o gariad a chysylltiad.

Wrth chwilio am y deunydd mwyaf priodol i wnïo'r sgwariau hyn arno, rhoddodd mam Emma clogyn ei mam-gu, a wisgwyd fel Chwaer wardiau'r ysbyty, gan gynnwys Pen Y Fal yn y Fenni. “Mae'n wych bod y Clogyn wedi dod yn rhan annatod o'r Siôl, a gwn y byddai fy mam-gu mor falch o fod yn rhan o'r prosiect cymunedol hwn; mae'r clogyn yn ychwanegu lefel arall o darddiad a sylfaen gref i'r Siôl Gymunedol. Mae'r prosiect wedi esblygu mor gyflym, ac rwyf wrth fy modd â'r gymuned wych sydd wedi ffurfio ar hyd y ffordd.
Rwyf wrth fy modd yn gallu dod â'r Siôl i'r Amgueddfa Wlân Cymru eiconig ym mis Tachwedd 2025, ac rwy'n edrych ymlaen at gynnal gweithdai yn ystod yr arddangosfa. Mae'r Siôl Gymunedol yn brosiect sy'n cydnabod ac yn tynnu sylw at hanesion, profiadau a straeon cymunedau a menywod.”

Mae Emma Bevan yn artist gweledol, yn gweithio gyda chlai a thecstilau, ac mae ei gwaith yn archwilio dulliau iacháu mewn perthynas ag adegau allweddol yn ei naratif hi a naratif ei chymunedau.