Digwyddiad:Diod-Offrwm Rhan II Gwlân Cymreig, Caethwasiaeth a Hunaniaeth: Gwau Gwreiddiau

Mae digwyddiad dathlu Gwau Gwreiddiau yn gyfle i gloddio'n ddyfnach i'r broses artistig a’r straeon gafodd eu datgelu yn arddangosfa Diod-Offrwm Rhan II Gwlân Cymreig, Caethwasiaeth a Hunaniaeth. Mae’r arddangosfa’n edrych ar rôl brethyn Cymreig ‘Welsh Plains’ wrth ddileu a difrïo hunaniaeth Affricanaidd pobl gafodd eu caethiwo. Roedd tecstilau yn rhan annatod o’u hunaniaeth cyn trefedigaethu. Mae’r artist Lucille Junkere, fydd wrth law drwy’r dydd, yn defnyddio mygydau ac arteffactau eraill i gynrychioli treftadaeth Akan, Ashanti, Yorùbá, Igbo, Ibibio, Éwé a Bantu y bobl gafodd eu caethiwo er mwyn gweithio ar blanhigfa mwyaf proffidiol Prydain, Jamaica. Mae gwlanen Gymreig, gweddillion gwlân o garthenni a blancedi, cotwm, a lliwurau naturiol o’r Caribî a Gorllewin Affrica gan gynnwys indigo, logwd, ffystig, pren brasil a chnau Kola yn cynrychioli’r defnyddiau diwylliannol traddodiadol gafodd eu cadw rhag y bobl yn ystod eu caethiwed.

Mae'r diwrnod agored yn gyfle i ymwelwyr newydd ddarganfod mwy am yr arddangosfa. Does dim angen archebu tocyn, dewch draw i ddysgu mwy...

11am-1pm: Bydd Lucille yn ystafell Addysg yr Amgueddfa yn rhoi arddangosiadau o liwio indigo naturiol, yn rhannu deunyddiau ac yn sgwrsio am ei harfer lliwio indigo personol gan gyfeirio at un o'r ffigyrau yn yr arddangosfa.

2-4.30pm: Bydd Lucille yn yr oriel yn cymryd rhan mewn sgyrsiau anffurfiol am yr arddangosfa a'i gwaith.