Castell Sain Ffagan

Mae Castell Sain Ffagan yn adeilad rhestredig Gradd I. Fe’i gelwir yn gastell hyd heddiw gan ei fod wedi’i adeiladu ar adfeilion hen gastell mwnt a beili Normanaidd ac mae’n dal i fod yn lleoliad digwyddiadau nodedig hyd heddiw.

Mae’n ddelfrydol ar gyfer priodasau, seremonïau ac achlysuron arbennig agos-atoch, a gallwch logi dau brif ran o’r Castell.

Mae Neuadd y Castell yn lleoliad mawreddog ar gyfer seremoni, wedi'i addurno mewn derw tywyll gyda lle tân cerfiedig cywrain ag arfbais y teulu arno, gyda lle i hyd at 50 ar gyfer seremoni.

Mae gan yr Ystafell Fwyta hardd a llachar, a gwblhawyd ym 1896, le i hyd at 60 o westeion wedi’u trefnu mewn sawl ffordd wahanol. P’un ai’ch bod yn gwneud addunedau neu’n dwyn ffrindiau a pherthnasau ynghyd ar gyfer achlysur o fwyta a dathlu, neu’n cynnal cyfarfod i greu argraff hyd yn oed, go brin y cewch chi le mwy hyblyg mewn lleoliad hanesyddol. Mae offer clyweledol modern a WiFi ar gael.

Yn yr haf, mae'r mannau hyn yn cyd-fynd yn berffaith â’n gerddi ar gyfer digwyddiad gwirioneddol fawreddog ar dir y castell.

Gallwch gyrraedd y castell naill ar lwybr cerdded byr o’r prif adeilad, neu drwy’r gatiau o bentref Sain Ffagan. Mae mynediad i geir a pharcio trwy gwrt a dreif y castell yn bosibl hefyd.

Cysylltwch â ni am fwy o wybodaeth, gan gynnwys opsiynau arlwyo.

Mae prisiau llogi’r lleoliad unigryw hwn yn dechrau o £800 + TAW ac mae’n dibynnu ar y gofynion a hyd y cyfnod llogi. Cysylltwch â’n tîm ymroddedig i gael dyfynbris.