Y Vulcan

Wedi'i leoli yn nhiroedd hanesyddol Amgueddfa Werin Cymru Sain Ffagan, mae drysau'r Vulcan ar agor unwaith eto ac ar gael i'w llogi’n breifat.

Camwch yn ôl mewn amser a gadewch i ddehongliad hanesyddol o'r Vulcan ym 1915 gyfareddu’ch gwesteion gyda’ch ‘lock-in’ eich hun.

O bartïon bach ac achlysuron teuluol, i nosweithiau rhwydweithio a digwyddiadau corfforaethol, cewch noson i’w chofio yn un o sefydliadau eiconig Caerdydd. O'r prif far i’r ystafell fwg a’r ardd gwrw, mae lle i hyd at 70 o westeion. Ar gyfer cerddoriaeth ac anerchiadau gallwn gynnig ein hoffer sain ein hunain neu gall ein tîm argymell adloniant byw sy’n addas ar gyfer y gofod.

Gyda’r opsiynau arlwyo’n amrywio o'n siop ‘sgod a sglods’ ein hunain ar y safle i arlwywyr trydydd parti arobryn, holwch ein tîm amdanyn nhw i gyd a dewis yr un addas i chi.

Gyda dyddiadau’n brin yn ystod y flwyddyn, bachwch y cyfle i fwynhau ein casgliad o gwrw crefft lleol yn eich ‘Vulcan Lock-in’ arbennig chi.