Digwyddiad:Ffin Dreiddgar

Mae 'Ffin Dreiddgar' yn edrych ar sut mae ffiniau symudol yn dylanwadu ar ein dealltwriaeth o hunaniaeth a lle.

Gan weithio ar y cyd ag Artes Mundi, mae Hannan Jones wedi creu trioleg o ffilmiau byrion sy'n cael eu harddangos tan 27 Ebrill 2025.

Mae'r cyntaf yn cychwyn yn archif danddaearol Amgueddfa Lleng Rufeinig Cymru, ac yn dangos arteffactau sy'n ymgorffori sawl naratif, gan godi cwestiynau am sut mae'r eitemau hyn yn siapio cof ar y cyd a hanesion ar chwâl. 

Mae'r ail ffilm yn camu allan o'r archif ac yn cael ei yrru gan y seinweddau sydd o'n gwmpas, tra mae'r trydydd yn canolbwyntio ar elfennau wybrennol sydd wedi eu defnyddio ers cyn cof i arwain a llywodraethu pobl. ⁠

Mae hefyd detholiad o eitemau cerameg sydd wedi cael eu creu gan gymunedau lleol Casnewydd a Chaerllion sydd yn ymgorffori myfyrdodau ar y presennol a’r dyfodol.

Safbwynt(iau)

⁠Gyda chefnogaeth Llywodraeth Cymru drwy Gynllun Gweithredu Gwrth-hiliol Cymru, mae Safbwynt(iau) yn fenter arloesol sy'n dod â saith artist o ddiwylliannau amrywiol at ei gilydd i archwilio'r cysylltiadau dwfn rhwng Cymru a hanesion byd-eang ymerodraeth, mudo a gwrthsafiad. 

Mae'r arddangosfa Safbwynt(iau) yn cael ei chynnal ar draws saith safle Amgueddfa Cymru, gyda phob artist yn taflu goleuni ar hanesion cudd sydd wedi'u hymgorffori yn y casgliad cenedlaethol.