Arddangosfa:Atgofion Gwehydd am Longddrylliadau Ceredigion

Mae Atgofion Gwehydd yn ymwneud ag ethos morwrol cymunedau arfordirol Ceredigion. 

Mae’r arlunydd yn byw yn Aber-arth, ger Aberaeron, oedd â hanes hir o adeiladu llongau ar ddechrau’r 1800au. 

Mae’r arddangosfa hon o hwyliau wedi’u gwehyddu yn deyrnged i hynny. Mae’n gyfarchiad i entrepreneuriaeth, stoiciaeth a dewrder y cymunedau morwrol o gwmpas arfordir Cymru adeg hynny. Roedd yn gyfnod lle roedd pobl yn adeiladu tai o gerrig mân y traeth a'u gosod gyda'u cefnau at y môr fel amddiffyniad rhag y tywydd.

Yn ogystal â chofio llongau hanesyddol, mae’r arlunydd wedi cynnwys tynged bresennol y ffoaduriaid sy'n croesi'r Sianel i Brydain. Mae un hwyl gyda lliwiau baneri cenedlaethol Afghanistan, Iran, Twrci, Eritrea, Syria, a Fietnam yn cynrychioli'r gwledydd y daeth llawer o fudwyr a gollodd eu bywydau ohonynt, gan ddangos er bod dwy ganrif rhyngddynt, mae’r trasiedïau hyn yn dal i ddigwydd.

Mae’r Artist a Gwehydd Vicky Ellis wedi bod yn defnyddio tecstilau ers dros 50 mlynedd, gyda thraddodiad Bauhaus yn ffynhonnell gyson o ysbrydoliaeth. Mae hi'n gweld y gwaith mae hi'n ei gynhyrchu fel paentiadau cyfoes mewn edafedd. Dangoswyd Woven Memories am y tro cyntaf ym MOMA Machynlleth yn 2024.