Digwyddiad:Dawnsio Diwali Bollywood

Amgueddfa Genedlaethol y Glannau
Wedi'i Orffen

Ymunwch â ni i ddathlu Diwali - trwy ddawns!

Yn agored i bawb, mae'r gweithdy yma yn ffordd hwyliog a chynhwysol i ddysgu dawnsfeydd Bollywood syml, gyda'r ddawnswraig proffesiynol dawns Sarita Sood.

Bydd y camau dawns yn cynnwys rhai a geir mewn dawnsfeydd Indiaidd glasurol a modern, yn ogystal â rhai sy'n gymysgedd o arddulliau'r Gorllewin.
Mae'n ffordd wych o ddathlu, tra'n dysgu rhai o'r elfennau a'r rhythmau o ddawnsio Indiaidd.
Rydym yn croesawu teuluoedd ac oedolion i'r gweithdy rhynggenedlaethol hwn.

Sarita Sood – Proffil Artist

Mae Sarita Sood yn artist dawns proffesiynol hyfforddedig sy'n arbenigo yn y ffurf ddawns Indiaidd, Kathak, un o dechnegau dawns clasurol mwyaf deinamig a syfrdanol India. 

Enillodd Sarita radd 5 mewn Dawns Indiaidd Glasurol o Brifysgol Bhatkhande Lucknow yng Ngogledd India.  

Yn rhan o'i gradd, arbenigodd hefyd mewn dawnsfeydd gwerin a chyfoes o India gan gynnwys dawnsio Bollywood sydd mor boblogaidd. 

Ers graddio ym 1990, mae hi wedi dysgu'n helaeth (oedolion a phlant), hwyluso a choreograffu perfformiadau dawns a pherfformio fel artist unigol rhyngwladol. Mae hi wedi gweithio gyda sefydliadau cymunedol ac elusennol amrywiol a llawer o ysgolion, grwpiau cymunedol a sefydliadau.

Gwybodaeth

12 Hydref 2025, 2yp a 3.30yp
Pris Am Ddim
Addasrwydd Oed 7+
ss
Ychwanegu i Outlook / Apple Calendar Ychwanegu i Google Calendar

Clywed mwy gan Amgueddfa Cymru

Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?

Cofrestrwch i'n cylchlythyr heddiw

Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd

Digwyddiadau