Digwyddiad:Gŵyl Caru eich Lles Meddwl - Bois y Morthwyl

Bois y Morthwyl

Dynion: gall gweithgarwch corfforol eich helpu i ymdopi â straen. Dewch i weithio gyda'n gof er mwyn creu calon metel i chi neu rywun arbennig.  
Dan ofal Len, Gof yr Amgueddfa, sydd â thros hanner canrif o brofiad o weithio yn yr efail a dan ddaear, cewch gyflwyniad i waith gofaint a defnyddio dur poeth i greu calon.  
AM DDIM ond rhaid cadw lle.  

Gwybodaeth Diogelwch

I gymryd rhan yn y cwrs, mae gofyn gwisgo’n addas (wele isod) a dilyn cyfarwyddiadau’r gof ynglyn a gweithio’n ddiogel.

• Dylai pob dilledyn fod o ddeunydd naturiol, 100% cotwm os yn bosib
• Dylid cael llewys hir i orchuddio’r breichiau
• Dylai’r trowsus fod ddigon llac i orchuddio pen ucha’r sgidiau. (Dim ond trowsus hyd llawn y dylid ei wisgo).
• Mae esgidiau diogelwch yn hanfodol - rhaid i chi eu darparu.
• Darperir sbectol ddiogelwch – mae’n rhaid gwisgo hon gydol eich amser yn yr Efail. Darperir hefyd ffedog ledr.

Os ns fydd cyfarwyddiadau’r gof yn cael eu dilyn, gellir dod a’r sesiwn i ben.

Gwybodaeth Bwysig Ychwanegol

Cynhelir y sesiwn i ddynion a  drwy iaith cyntaf yr hwylusydd - sef Saesneg.

Rhaid i bob cyfranogwr fod yn 18+.

Mae rhai o ofodau dysgu’r Amgueddfa 5 munud ar droed o’r prif adeilad a’r maes parcio – cysylltwch â digwyddiadau@amgueddfacymru.ac.uk cyn archebu i drafod anghenion hygyrchedd.