Digwyddiad:Cymdeithas Casglwyr Lampau Glowyr – ‘Cyfarfod Bach’ a Sgwrs

Mae Ffair Gasglu Cymdeithas Casglwyr Lampau Glowyr, y ‘Cyfarfod Bach’ yn dod i Big Pit!

Ymunwch â ni am y digwyddiad am ddim hwn, lle bydd cyfle i gyfnewid lampau glowyr a chael cyngor gan gasglwyr eraill, a gwrando ar sgwrs gan Ceri Thompson, Curadur Big Pit: ‘Lampau Glowyr – Pegiau i Hongian Stori’⁠.

Caiff Cymdeithas Casglwyr Lampau Glowyr, a sefydlwyd yn 2007, ei rhedeg fel menter nid-er-elw gan gasglwyr lampau glowyr ymroddedig. Nod y gymdeithas yw gwarchod y rhan hon o’n hanes glofaol ac economaidd ar gyfer y dyfodol. 

Mae’r gymdeithas yn cynnal eu ‘Cyfarfod Mawr’ blynyddol bob Mehefin yng Nglofa Pleasley, ger Mansfield. Yn dilyn hyn, cynhelir y ‘Cyfarfod Bach’ bob mis Hydref mewn lleoliad glofaol gwahanol, ac mae’n bleser ei gynnal yn Big Pit eleni.

• Cynhelir y Cyfarfod Bach yn Ystafell Coity yn adeilad y Baddondai Pen Pwll, a’r sgwrs gyda Ceri Thompson am 11am yn Ystafell Kearsley drws nesaf.