Cwrs:CREU Cyfres Meistr: Gwnïo Ffedog Groes-gefn

Treuliwch ddiwrnod yn datblygu eich sgiliau gwnïo wrth greu ffedog groes-gefn hardd ac ymarferol i fynd adref gyda chi. Yn berffaith ar gyfer yr ystafell wnïo, yr ardd neu’r gegin, mae’r cwrs undydd hwn yn brosiect gwych i unrhyw un sydd wedi dechrau gwnïo’n ddiweddar neu sy’n dychwelyd at wnïo ac eisiau magu hyder.

Yn ystod y dydd, byddwch yn dysgu technegau defnyddiol gan gynnwys pwytho uchaf, gwnïo poced glyt, gosod wyneb, hemio a gwneud strapiau – sgiliau y gallwch eu defnyddio eto mewn llawer o brosiectau gwnïo yn y dyfodol.

Mae’r cwrs yn addas i ddechreuwyr ac ymlaen, er argymhellir bod gennych wybodaeth sylfaenol am sut i ddefnyddio peiriant gwnïo.

Mae’r holl ddeunyddiau, gan gynnwys y ffabrig, wedi’u cynnwys ym mhris y cwrs. Nodwch: bydd y ffedog a wneir yn ystod y cwrs yn cynnwys un boced glyt.

Mae croeso i chi ddod â’ch peiriant gwnïo eich hun. Os hoffech ddefnyddio peiriant a ddarperir ar gyfer y cwrs, rhowch wybod i ni wrth archebu.

Gwybodaeth Ychwanegol

Bydd tocynnau ar gael ar-lein tan ddydd Llun 21 Medi, oni bai bod y gweithdy’n gwerthu allan yn gynt. Ar ôl y dyddiad hwn, ffoniwch 02920 573070 i holi a oes tocynnau ar gael.

Bydd y cwrs hwn yn cael ei gynnal yn Saesneg.