Cwrs: CREU Cyfres Meistr: Gwneud Clustog Clytwaith Gwlân gyda Suzi Park

Bydd gwneuthurwr a’r tiwtor Suzi Park yma am ddiwrnod creadigol yn troi darnau gwlân dros ben yn glustog clytwaith unigryw i fynd adref gyda chi.

Gan ddefnyddio darnau o wlân 100% Melin Tregwynt, byddwch yn torri ac yn trefnu stribedi o ffabrig cyn eu gwnïo gyda’i gilydd ar beiriant gwnïo i greu eich dyluniad clytwaith gwlân eich hun. Yn ystod y dydd, byddwch wedyn yn troi’r ffabrig gorffenedig yn orchudd clustog.

Suzi yw sylfaenydd Make it in Wales ac mae wedi bod yn trefnu ac yn dysgu gweithdai crefft ers 2014.

Mae’r gweithdy hwn yn addas i ddechreuwyr, a bydd arweiniad ar gael drwy gydol y dydd.

Mae’r holl ddeunyddiau wedi’u cynnwys ym mhris y cwrs, gan gynnwys ffabrig gwlân Melin Tregwynt, edau a phad clustog plu, 1 x 8 modfedd/ (tua 20 cm).

Bydd peiriannau gwnïo ar gael i’w defnyddio yn ystod y gweithdy. Mae croeso i chi ddod â’ch peiriant gwnïo eich hun. Os hoffech ddefnyddio peiriant a ddarperir ar gyfer y cwrs, rhowch wybod i ni wrth archebu.       

Bydd tocynnau ar werth tan ddydd Llun 16 Tachwedd 2026, oni bai eu bod yn gwerthu allan yn gynt. Ar ôl y dyddiad hwn, ffoniwch 02902 573070 i wirio a oes unrhyw leoedd ar gael o hyd.

Cynhelir y cwrs yn Saesneg.