Digwyddiad:Gŵyl Batrymau

Ymunwch â ni wrth i ni ddathlu 50 mlynedd o Amgueddfa Wlân Cymru a Mis Gwlân Prydain gyda gŵyl arbennig sy’n archwilio’r patrymau sydd wedi’u plethu drwy dreftadaeth wlân Cymru.

O ddyluniadau nodedig blancedi Cymreig traddodiadol i’r patrymau a’r rhythmau sydd i’w gweld mewn gwehyddu, straeon a cherddoriaeth, dewch i fwynhau diwrnod o arddangosiadau, hanes byw, creadigrwydd a darganfod.

Dewch i weld yr Amgueddfa’n dod yn fyw gyda pheiriannau hanesyddol a gwyddiau ar waith, sgiliau tecstilau traddodiadol ac arddangosiadau. Dewch i gwrdd â gwneuthurwyr gwlân lleol a darganfod mwy am y patrymau, y bobl a’r straeon sydd wrth galon diwydiant gwlân Cymru.

Bydd cyfle i fwynhau adrodd straeon, cerddoriaeth fyw, dawnsio gwerin, cwrdd â chymeriadau o hanes Ffatri Cambrian, gwrando ar sgwrs sy’n archwilio’r Amgueddfa a’i chasgliadau, a chymryd rhan mewn gweithgareddau creadigol i bob oed.

Fel rhan o’r ŵyl, byddwn hefyd yn dathlu agoriad swyddogol y Sied Wehyddu, gyda chyfle i weld ei gwyddiau hanesyddol ar waith.

Bydd y rhaglen lawn a’r amseroedd yn cael eu hychwanegu’n nes at y digwyddiad. Gwiriwch y wefan am y wybodaeth ddiweddaraf cyn eich ymweliad.

Beth i’w Ddisgwyl

Agoriad swyddogol y Sied Wehyddu

Gwyddiau ar waith a pheiriannau hanesyddol

Adrodd straeon a Dawnswyr Talog

Trin gwrthrychau drwy gydol y dydd

Cerddoriaeth fyw. 

Hanes byw a chymeriadau o Ffatri Cambrian. 

Sgwrs yn archwilio patrymau Cymreig a chasgliad yr Amgueddfa.

Arddangosiadau gwehyddu, nyddu a thecstilau

Gwneuthurwyr a busnesau gwlân lleol 

Gwaith celf cymunedol ar y cyd

Gweithgareddau creadigol a man lliwio tawel

Car Triumph Mayflower vintage yn cael ei harddangos