Arddangosfa: Hawlio Heddwch
![](/media/58113/thumb_1600/Hawlio-Heddwch.jpg)
Annie Hughes-Griffiths yn dal Apêl Heddwch Merched Cymru yn Washington DC, gyda Gladys Thomas, Mary Ellis ac Elined Prys, 21 Chwefror 1924.
© Drwy ganiatâd Llyfrgell Genedlaethol Cymru
![](/media/52253/84741.jpeg)
Baner a ddyluniwyd gan Thalia ac Ian Campbell yn darlunio golygfeydd o Wersyll Heddwch Menywod Comin Greenham, 1980au cynnar. Wedi’i gwnïo gan Jan Higgs.
![](/media/58117/Academi-Heddwch.png)
![](/media/56620/thumb_1600/PPL-CULTURE-002.jpg)
Ar ôl y Rhyfel Byd Cyntaf, llofnododd bron i 400,000 o fenywod Cymru ddeiseb heddwch a'i chyflwyno i fenywod Unol Daleithiau America. Roedden nhw'n galw am ddyfodol heb ryfel.
Ganrif yn ddiweddarach, cafodd Deiseb Heddwch Menywod Cymru ei hailddarganfod a’i dychwelyd i Gymru. Mae’r ddeiseb a’r gist, ar fenthyg gan Lyfrgell Genedlaethol Cymru, ymhlith rhai o brif atyniadau’r arddangosfa hon.
Ochr yn ochr â’r ddeiseb mae cyfle i weld baneri protest eiconig ymgyrch heddwch Comin Greenham yn y 1980au, sy’n rhan o gasgliad parhaol Amgueddfa Cymru.
Dewch i ddarganfod mwy am rai o’r menywod ysbrydoledig hyn a’u cyfraniad at heddwch rhyngwladol.
Mae’r arddangosfa yn rhan o Bartneriaeth Hawlio Heddwch.