Digwyddiad: Dathlu Natur
![](/media/58643/thumb_1600/WNS_050723_St_Fagans_Nature_066.jpg)
![](/media/58642/thumb_1600/WNS_050723_St_Fagans_Nature_011.jpg)
![](/media/58644/Logos.jpg)
Coetiroedd Sain Ffagan yw’r lle perffaith i Ddathlu Natur – felly dyna beth rydyn ni’n ei wneud!
Bydd Gwyddonwyr yr Amgueddfa – sy’n arbenigwyr ar blanhigion, chwilod a phob math o bryfed – wrth law i ddangos yr amrywiaeth ddiddorol o fywyd sy’n bodoli yn y coetir.
Ac rydyn ni’n gweithio mewn partneriaeth â llawer o elusennau natur lleol a fydd yn ychwanegu eu harbenigedd nhw at y diwrnod. Dewch i gwrdd â choeden ganu anhygoel y Cyngor Coed neu gymryd rhan mewn llu o weithgareddau sy’n cael eu cynnal gan Geidwaid Parciau Cymunedol Caerdydd, a llawer mwy.
Bydd amrywiaeth o weithgareddau ar gael fel treillio mewn pyllau hambwrdd, creu bomiau hadau, adnabod coed, sgyrsiau, teithiau cerdded, crefftau a mwy!
Beth alla i ei wneud?
ARCHEBU LLE AR DAITH GERDDED
Gallwch archebu lle ar daith gerdded gydag un o’n harbenigwyr. Dewiswch rhwng –
• 11am - ‘Planhigion ar gyfer Bywyd Gwyllt’. Ymunwch â’r Cadwraethydd Gerddi, Elin Barker, ar daith o'r gerddi. Yn addas i bobl 8+ oed.
• 12pm - Dewch ar daith i weld y coed o amgylch yr adeiladau hanesyddol gyda churaduron o’r Adran Fotaneg. Yn addas i bobl 8+ oed.
• 1pm - Ymunwch â churaduron o’r adran Ddaeareg ar daith o amgylch adeiladau Sain Ffagan i ddysgu mwy am y cerrig a’u hadeiladodd. Yn addas i bobl 12+ oed.
• 2pm - Ymunwch ag Ymddiriedolaeth Afonydd De-ddwyrain Cymru ar daith gerdded fer i ymweld ag Afon Elái a dysgu mwy am y gwahanol gynefinoedd a’r bywyd gwyllt sy’n byw ar y dŵr ac yn agos ato. Yn addas i bobl 8+ oed.
• 3pm - Dewch ar daith i weld y coed o amgylch yr adeiladau hanesyddol gyda churaduron o’r Adran Fotaneg. Yn addas i bobl 8+ oed.
Gofynnwn i chi dalu beth allwch chi ar gyfer y teithiau, gydag isafswm rhodd o £2 y tocyn.
- Gallwch gymryd rhan mewn sesiynau am ddim ar ffyngau. Wedi’i wneud yn bosib drwy Gronfa Treftadaeth y Loteri Genedlaethol. Mae tair sesiwn ar gael – Ecoleg Gwiar a Throsiadau Ffwng i oedolion a’r rhai sydd â diddordeb dyfnach mewn ffyngau, a gweithdy teuluol, ‘Hwyl gyda Ffwng’. Cliciwch YMA i archebu eich lle.
GWEITHGAREDDAU GALW HEIBIO
• Dewch i gael eich rhyfeddu gan arddangosfa ymdrochol y Cyngor Coed, ‘Force for Nature’
• Gallwch chwarae’r gêm fwrdd ‘Ffosileiddio Ffyrnig’ neu ewch â thaflen sylwi ar ffosilau i fynd â hi i’r traeth gyda chi. Ydw i wedi darganfod ffosil?
• Gwyliwch y ffilm dwymgalon ecogyfeillgar, 2040, yn y Ddarlithfa.
• Cymerwch ran yn ein llwybr o amgylch yr Amgueddfa. £2 y pen, i’w dalu ar y diwrnod. Nifer cyfyngedig o lwybrau sydd ar gael, a hynny ar sail cyntaf i'r felin.
• Rhowch gynnig ar rai o’r gweithgareddau sy’n cael eu darparu gan Geidwaid Cymunedol Cyngor Caerdydd.
• Dysgwch fwy am y cerrig yn adeiladau Sain Ffagan a gweld lluniau agos lliwgar o'r tu mewn i greigiau.
• Edrychwch ar folysgiaid gwych o gasgliad yr Amgueddfa a gweld molysgiaid byw y gallech chi ddod o hyd iddyn nhw yn eich pwll eich hun yn ein gweithgaredd treillio mewn pwll hambwrdd. Malwod Dŵr Gerddi Cymru.
• Dewch i fod yn wenyn prysur ar ein stondin pryfed gyda gemau a gwybodaeth am ein peillwyr pwysig, a dysgu a yw gwenyn yn gweiddi!
• Dysgwch fwy am y coed anhygoel yng nghoetiroedd Sain Ffagan – beth am gymryd 5 munud i dawelu eich hun drwy ymlacio yn y goedwig. Coed a llwyni collddail Cymru.
• Dewch i fwynhau glan y môr dan do gyda'n pwll glan môr cartref.
• Lawrlwythwch ein taflen sylwi Adar Cyffredin yr Ardd a threulio amser yn y guddfan adar i weld beth allwch chi ei weld. Adar Cyffredin yr Ardd.
• Ewch i ymweld â stondinau Amgueddfa neu bartneriaid eraill neu gymryd rhan yn y gweithgareddau crefft.
Gwybodaeth bellach
• Os ydych chi wedi rhag-archebu tocynnau ar gyfer taith, ewch i Ddesg Wybodaeth y Digwyddiad yn y Neuadd Groeso.
• Am resymau cynaliadwyedd, lle bo'n bosib rydyn ni’n defnyddio codau QR ar gyfer taflenni sylwi a mapiau.
• Sylwch, gall gweithgareddau a phartneriaid newid ar y funud olaf, felly ffoniwch cyn teithio’n arbennig.
• Diolch am gefnogaeth chwaraewyr y People’s Postcode Lottery.
Gyda diolch i holl bartneriaid y digwyddiad yma; cliciwch ar yr enwau isod i ddysgu mwy am y sefydliadau anhygoel yma!
Cyngor Caerdydd , Y Cyngor Coed, Ymddiriedolaeth Afonydd De-ddwyrain Cymru, Ymddiriedolaeth Natur Cymru, Coed Caerdydd, Maint Cymru, Llinell Gymorth Draenogod, Partneriaeth Lefelau Byw, Buglife Cymru, Ymddiriedolaeth ARC, Natur Am Byth, Project Ailgyflwyno’r Eryr Cymru.