Digwyddiad:Helfa'r Nadolig: Ceirw Coll

Helpwch ni i achub y Nadolig!

Mae'r corachod bach drygionus wedi gadael drysau'r stabl ar agor, ac mae ceirw Siôn Corn wedi dianc a chuddio ar hyd llwybrau'r amgueddfa! Gyda Noswyl Nadolig yn prysur agosáu, mae angen eich help arnom i ddod o hyd iddynt a dod â nhw yn ôl i Begwn y Gogledd mewn pryd ar gyfer noson bwysicaf y flwyddyn.

Archebu tocynnau

Gwybodaeth Bwysig

• Nifer cyfyngedig o daflenni'r helfa sydd ar gael.   
• Nid yw tocynnau i'r helfa yn ad-daladwy ac ni ellir eu cyfnewid am unrhyw safle na digwyddiad arall.   
• Sganiwch eich tocyn digidol gydag aelod o staff ar y safle er mwyn casglu eich taflen helfa a’r wobr.   
• Gall deiliaid tocynnau gwblhau'r helfa unrhyw bryd rhwng 30 Tachwedd a 22 Rhagfyr 2024, fodd bynnag dim ond unwaith y gellir defnyddio pob tocyn yn ystod y cyfnod hwn.   
• Iaith: Mae'r taflenni'n ddwyieithog.       
• Oedran: Addas ar gyfer plant 4+ oed, efallai y bydd angen help ar blant iau.   
• Cost: Mae'r gost yn cynnwys un daflen helfa ac un wobr. Mae croeso i chi gwblhau un fel teulu neu brynu un ar gyfer pob person.   
• Lle bo'n bosibl, rydyn ni wedi defnyddio deunyddiau ecogyfeillgar a byddwn yn defnyddio'r rhain eto.   
• Bydd y rhan fwyaf o'r helfa yn Sain Ffagan yn yr awyr agored, felly gwisgwch ddillad ac esgidiau sy'n addas ar gyfer pob tywydd.   
• Os ydych chi'n cyfuno'r digwyddiad hwn gydag unrhyw un o'r sesiynau Nadolig eraill, bydd modd i chi gwblhau'r helfa wrth i chi gerdded o amgylch y safle o un gweithgaredd i'r llall.   
• Sylwer: Rydym yn disgwyl bod yn brysur iawn dros benwythnosau mis Rhagfyr yn enwedig. Gall y tywydd effeithio ar ein gallu i barcio ceir yn y maes parcio ychwanegol ac efallai y bydd yn rhaid i chi giwio am le parcio.   
• Nid yw pris eich tocyn yn cynnwys parcio. Codir tâl o £7 y diwrnod am barcio.