Digwyddiad:Sain Ffagan yn Ysbrydoli Tecstilau
Ymunwch â grŵp tecstilau Cutting Edge yn Sain Ffagan Amgueddfa Werin Cymru ar ddydd Gwener a dydd Sadwrn 25 a 26 Ebrill 2025, yn Gweithdy rhwng 10am a 4pm. Byddwn ni’n arddangos gwaith wedi’i ysbrydoli gan Sain Ffagan – o ddefnyddiau unigol a gwaith cyfrwng cymysg, i gardiau post a chwilt Monopoli Sain Ffagan.
Bydd hi hefyd yn Wythnos Ryngwladol Pontio'r Cenedlaethau, ac rydyn ni wrth ein bodd bod yr Amgueddfa wedi ein gwahodd ni i rannu ein sgiliau. Bydd cyfle i gwrdd ag aelodau Cutting Edge a rhoi cynnig ar grefftau addas i bob oed. Mae'n gyfle perffaith i rannu gwybodaeth a sgiliau, cael eich ysbrydoli neu fwynhau sgwrs.
Cafodd grwp Cutting Edge ei sefydlu 13 mlynedd yn ôl. Mae'n grŵp anffurfiol o unigolion sy'n hoffi gwnïo, cwiltio, brodio a/neu crosio. Rydyn ni hefyd yn cynnal sesiynau Dyeing to Paint ar gyfer aelodau sydd am arbrofi gyda lliwio ffabrig.
Gallwch chi ddysgu mwy am ein gweithgareddau a'n projectau ar flog Cutting Edge.
Galwch draw ar y diwrnod i weld ein gwaith, cymryd rhan yn un o'n gweithgareddau a dweud helo. Byddwn ni wrth ein bodd eich gweld chi!
Am fwy o wybodaeth cysylltwch â mdennis.wales@gmail.com.
Gwybodaeth
Mwy o gynnwys
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd