Digwyddiad:Helfa Basg: Sain Ffagan

Ymunwch â ni dros y Pasg am antur llawn hwyl yn Sain Ffagan!

Mae ein helfa Basg blynyddol yn berffaith i deuluoedd ac archwilwyr bach fel ei gilydd. Allwch chi ganfod eich ffordd o gwmpas adeiladau, tiroedd ac orielau Sain Ffagan? Bydd angen i chi ddatrys posau a datgelu cliwiau, cyn cychwyn ar helfa i ddod o hyd i’r wyau Pasg lliwgar sydd wedi’u cuddio o amgylch yr Amgueddfa.     

Sut mae’n gweithio:

• Casglwch eich taflen helfa wrth y fynedfa
• Datryswch y cliwiau i ddod o hyd i’r wyau Pasg sydd wedi’u cuddio ar draws yr amgueddfa
• Mae gan bob wy mawr batrwm unigryw a lliwgar i chi ei gopïo ar eich taflen helfa
• Cwblhewch yr helfa a mwynhewch eich gwobr felys! *

* Y wobr fydd lolipop siocled. Mae opsiwn di-laeth a fegan ar gael ar gais – nodwch y dewis hwn wrth archebu eich tocynnau

Archebu tocynnau

Gwybodaeth Bwysig

• Nifer cyfyngedig o docynnau sydd ar gael bob dydd.
• Nid yw tocynnau i’r helfa yn ad-daladwy ac ni ellir eu cyfnewid am unrhyw ddyddiad, safle na digwyddiad arall. Bydd yn rhaid i ddeiliaid tocynnau gasglu eu taflen helfa a’r wobr ar y diwrnod maent wedi ei archebu.
• Sganiwch eich tocyn digidol gydag aelod o staff ar y safle er mwyn casglu eich taflen helfa a’r wobr.
• Iaith: Mae’r taflenni’n ddwyieithog.
• Oedran: Addas ar gyfer plant 4+ oed, efallai bydd plant iau eisiau gweithio mewn tîm gydag oedolion.
• Cost: Mae’r gost yn cynnwys un daflen helfa ac un wobr. Mae croeso i chi gwblhau un fel teulu neu brynu un ar gyfer pob person/plentyn.
• Bydd y rhan fwyaf o’r helfa yn Sain Ffagan yn yr awyr agored, felly gwisgwch ddillad ac esgidiau sy’n addas ar gyfer pob tywydd.
• Sylwer: Rydym yn disgwyl bod yn brysur iawn yn ystod y gwyliau ysgol a dros benwythnos y Pasg yn enwedig. Gall y tywydd effeithio ar ein gallu i barcio ceir yn y maes parcio ychwanegol ac efallai y bydd yn rhaid i chi giwio am le parcio.
• Nid yw pris eich tocyn yn cynnwys parcio. Codir tâl o £7 y diwrnod am barcio. 
• Cyngor ar alergenau: Mae’r wobr siocled yn cynnwys soia, llaeth buwch a gall gynnwys olion cnau. Mae’r wobr fegan yn siocled sy’n gyfeillgar i alergenau sydd heb laeth, heb glwten, heb soia ac yn addas ar gyfer feganiaid.
   

Mae aelodau yn derbyn gostyngiad o 10%, dewch yn aelod heddiw