Digwyddiad:Helfa'r Nadolig: Ceirw Coll

Mae ganddon ni wledd Nadoligaidd i chi eto eleni. Bob penwythnos ym mis Rhagfyr byddwn ni'n cynnal amrywiaeth o weithgareddau i'ch helpu chi fynd i hwyl yr ŵyl.

Dewch i weld yr adeiladau hanesyddol wedi'u haddurno fel y bydden nhw dros y Nadolig yn eu hoes nhw, blasu bwyd a diod y tymor yn ein bwyty, neu fwynhau un o'n digwyddiadau dathlu. 

Rydyn ni hefyd yn disgwyl i un o gymeriadau mawr yn ŵyl i ymweld! Cadwch lygad amdano pan fyddwch chi'n galw draw...

Helfa'r Nadolig: Ceirw Coll

Helpwch ni i achub y Nadolig!

Mae'r corachod bach drygionus wedi gadael drysau'r stabl ar agor, ac mae ceirw Siôn Corn wedi dianc a chuddio ar hyd llwybrau'r amgueddfa! Gyda Noswyl Nadolig yn prysur agosáu, mae angen eich help arnom i ddod o hyd iddynt a dod â nhw yn ôl i Begwn y Gogledd mewn pryd ar gyfer noson bwysicaf y flwyddyn.

Gwybodaeth Bwysig

• Casglwch daflen a phensil er mwyn canfod y ceirw a chwbwlhau'r llwybr.
• Mae croeso i chi gwblhau un fel teulu neu brynu un ar gyfer pob person.
• Nid yw tocynnau i'r helfa yn ad-daladwy ac ni ellir eu cyfnewid am unrhyw safle na digwyddiad arall.
• Sganiwch eich tocyn digidol gydag aelod o staff ar y safle er mwyn casglu eich taflen helfa.
• Gall deiliaid tocynnau gwblhau'r helfa unrhyw bryd rhwng 29 Tachwedd a 23 Rhagfyr 2025, fodd bynnag dim ond unwaith y gellir defnyddio pob tocyn yn ystod y cyfnod hwn.
• Iaith: Mae'r taflenni'n ddwyieithog.
• Oedran: Addas ar gyfer plant 4+ oed, efallai y bydd angen help ar blant iau.
• Lle bo'n bosibl, rydyn ni wedi defnyddio deunyddiau ecogyfeillgar a byddwn yn defnyddio'r rhain eto.
• Bydd y rhan fwyaf o'r helfa yn Sain Ffagan yn yr awyr agored, felly gwisgwch ddillad ac esgidiau sy'n addas ar gyfer pob tywydd.
• Sylwer: Rydym yn disgwyl bod yn brysur iawn dros benwythnosau mis Rhagfyr yn enwedig. Gall y tywydd effeithio ar ein gallu i barcio ceir yn y maes parcio ychwanegol ac efallai y bydd yn rhaid i chi giwio am le parcio.
• Nid yw pris eich tocyn yn cynnwys parcio. Codir tâl o £7 y diwrnod am barcio.

Mae aelodau yn derbyn gostyngiad o 10%, dewch yn aelod heddiw.

Elusen yw Amgueddfa Cymru. Mae popeth a brynwch yn ein siopau a phob rhodd a roddwch, yn ein helpu i sicrhau bod Amgueddfa Cymru yn perthyn i bawb ac yma i bawb ei fwynhau.

Mae rhaglen digwyddiadau Nadolig Amgueddfa Cymru wedi bod yn bosibl diolch i chwaraewyr People's Postcode Lottery.

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.