Digwyddiad:Taith Iaith Arwyddion Prydain (BSL): Archwilio Treftadaeth Ddiwydiannol Cymru drwy Adeiladau Hanesyddol Sain Ffagan Amgueddfa Werin Cymru

Mae Sain Ffagan yn defnyddio ei chasgliadau i ddehongli bywyd yng Nghymru ddoe a heddiw. Bydd y daith am ddim hon i oedolion B/byddar a defnyddwyr BSL yn cynnwys taith gerdded drwy'r amgueddfa awyr agored, i ddysgu am rai o'r adeiladau sydd wedi'u symud i Sain Ffagan a'u harwyddocâd wrth siapio treftadaeth ddiwydiannol Cymru. Ymunwch â ni wrth i ni archwilio cartrefi'r gweithwyr haearn yn nhai teras Rhyd-y-car o Ferthyr Tudful, y Prefab o Gabalfa yng Nghaerdydd, ac adeilad eiconig Sefydliad y Gweithwyr Oakdale. 

Bydd y daith hamddenol hon yn cael ei chynnal yn Iaith Arwyddion Prydain gan y tywysydd Emily Rose Corby.

Mae'r daith hon yn rhan o gyfres o deithiau Iaith Arwyddion Prydain a gynhelir drwy gydol y flwyddyn. Cadwch lygad ar wefan yr Amgueddfa am ragor o wybodaeth a dyddiadau yn y dyfodol.

Rhybudd: Oherwydd natur y safle, mae tir anwastad, llwybrau llithrig, llethrau a mannau glaswelltog mewn mannau. Cymrwch ofal wrth gerdded a gwisgwch esgidiau addas. Cyfeiriwch at wefan Sain Ffagan am ein holl gallawiau mynediad.