Digwyddiad:Cyrsiau Diwrnod Wyna

Cyfle i fwynhau diwrnod cyfan yn sied wyna Fferm Llwyn-yr-eos.

Gyda chymorth craff y tîm wyna, byddwch chi’n dysgu sut i ofalu am ddefaid beichiog, adnabod arwyddion esgor a delio â phroblemau cyffredin. Bydd genedigaeth yn ystod y dydd yn gyfle i dorchi llewys os ydych chi’n teimlo’n hyderus! Cewch dreulio amser yn y feithrinfa gyda’r defaid, yn helpu i asesu anghenion a lles yr ŵyn yn eu dyddiau cyntaf, ond bydd amserlen y diwrnod yn hyblyg, yn dibynnu ar brysurdeb y sied wyna.

Cwrs addas i ddechreuwyr llwyr – does dim angen profiad blaenorol o drin defaid. Mae dau lle ar gael bob diwrnod.

Darllenwch y canllawiau isod cyn archebu.

Canllawiau a gwybodaeth diogelwch:

• Dylai unrhyw berson beichiog, sydd â phartner beichiog, neu sy’n ceisio am blentyn ddarllen y canllawiau canlynol gan y GIG (Saesneg yn unig). https://phw.nhs.wales/news/advice-issued-to-pregnant-women-during-lambing-season/
• Mae’r dyddiadau wedi’u trefnu i gynnig y cyfle gorau i weld genedigaeth, ond mae wyna yn fusnes anodd ei ragweld ac allwn ni addo dim.
• Byddwch yn barod i wisgo hen ddillad a throchi – rydyn ni’n argymell gwisgo trowsus gwrth-ddŵr (gallwn ni addo y byddwch chi’n penlinio mewn dom!)
• Os ydych chi am dorchi llewys gofynnwn i chi dorri eich ewinedd a thynnu unrhyw farnais a modrwyau. Ein blaenoriaeth yn hyn o beth yw diogelwch y defaid.
• Bydd digwyddiadau'r sied wyna yn cael eu ffrydio'n fyw ar wefan yr Amgueddfa fel rhan o broject #sgrinwyna. Wrth reswm, bydd unrhyw un sy'n mynychu yn ymddangos (er mai'r defaid yw sêr y sioe). Wrth archebu lle rydym yn cymryd eich bod yn rhoi caniatâd ymlaen llaw i gael eich ffilmio - bydd yn rhaid i chi lofnodi ffurflen ganiatâd ffilmio a ffotograffiaeth ar y diwrnod.
• Cinio: Mae croeso i chi ddod â phecyn bwyd neu ymweld â'n bwytai a chaffis ar y safle. Gallwn gynnig gostyngiad o 10% yn ein bwytai a chaffis* i ddeiliaid tocyn cwrs  *(heblaw am Bopty Derwen)
• Parcio: Gallwch barcio yn y maes parcio i ymwelwyr, codir tâl o £7 a gallwch dalu trwy ddefnyddio arian parod neu gerdyn
• Iaith: Cynhelir y cwrs drwy iaith cyntaf yr hwylusydd - sef Saesneg
• Hygyrchedd:Gallai'r cwrs hwn fod yn anaddas i bobl â phroblemau symudedd oherwydd yr amodau yn y sied wyna. Cysylltwch cyn archebu i drafod unrhyw bryderon drwy e-bostio digwyddiadau@amgueddfacymru.ac.uk
• Oed: 16+* *(rhaid i blant 16–18 fod yng nghwmni oedolyn sy’n cymryd rhan).

Mae'r telerau ac amodau ar gyfer ein cyrsiau ar gael i'ch ystyried fan hyn.

Drwy archebu lle ar ein cyrsiau, rydych chi'n ein cefnogi ni i adrodd stori Cymru er mwyn ysbrydoli pawb. Diolch o galon.

Cliciwch isod i ymuno â'n rhestr bostio cyrsiau i gael gwybod pam fydd cyrsiau newydd yn cael eu cyhoeddu neu pan fydd lleoedd yn cael eu rhyddhau ar gyrsiau sydd wedi bod yn llawn.
Ymunwch â ni | Amgueddfa Cymru

Cymerwch olwg ar rai o gyrsiau eraill gan Amgueddfa Cymru yma: Cyrsiau Creadigol yn Amgueddfa Cymru | Museum Wales