Cwrs:Cwrs: Lliwio gyda Indigo

Dewch i ddysgu sut i ddefnyddio indigo naturiol yn y gweithdy undydd hwn gyda Jacqui Symons o Slow Lane Studio. Byddwch yn treulio’r diwrnod yn defnyddio cafn indigo i liwio samplau ffabrig, edafedd a phapur, yn ogystal â dysgu sut i ddefnyddio’r lliw naturiol anhygoel hwn at ddibenion eraill, a sut i liwio gyda dail indigo a glaslys ffres. Bydd Jacqui hefyd yn eich dysgu sut i wneud eich cafn indigo wedi’i eplesu dau litr eich hun i fynd adref gyda chi, er mwyn parhau â’ch taith lliwio. 

**Beth i’w Wisgo:** 
Darperir ffedogau, ond bydd diferion indigo ym mhobman felly gwisgwch ddillad addas. 

Bydd menig golchi llestri hefyd yn cael eu darparu ar gyfer gweithio gyda’r cafnau indigo, ond mae croeso i chi ddod â’ch rhai eich hun.
 **Hygyrchedd:** 
Mae lleoliad y gweithdy yn hygyrch i bawb. 

**Cyfyngiadau Oedran:** 
⁠16+ (Rhaid i blant 16-18 fod yng nghwmni oedolyn sy'n cymryd rhan.) 

**Amseroedd:** 
11 AM - 4 PM 

**Beth mae'r cwrs yn ei gynnwys?** 
- Lluniaeth ysgafn 
- Darperir yr holl ddeunyddiau (inc, papur, offer a chyfarpar) 
- Byddwch yn gadael y gweithdy gyda detholiad o samplau ffabrig, edafedd a phapur wedi’u lliwio ag indigo, yn ogystal â’ch cafn indigo dau litr.

*Nid yw cinio yn rhan o bris y tocyn. Mae croeso i chi ddod â chinio gyda chi neu ymweld â'r caffi ar y safle.*

**Iaith y gweithdy:** 
Mae ein rhaglen yn cynnwys cyrsiau Cymraeg, Saesneg a dwyieithog. Cynhelir y cwrs hwn yn newis iaith yr hwylusydd, sef Saesneg.

**Eich Tiwtor:** 
Mae Jacqui Symons yn ymchwilydd lliwiau naturiol ac artist lliwio cyfoes sy’n byw yn Llandeilo. Yn sylfaenydd Slow Lane Studio, mae hi’n chwilota, meithrin ac yn defnyddio planhigion i greu lliw ar gyfer tecstilau, papur, creu printiau a phigmentau. 

Sefydlodd Jacqui Slow Lane Studio i ddarparu adnoddau, gwybodaeth, cyngor ymarferol a gweithdai sy’n canolbwyntio ar liwio naturiol, a phigmentau a lliwiau artist a wnaed o blanhigion. Ochr yn ochr â gweithio ar brojectau a chomisiynau creadigol, mae hi’n datblygu gardd pigmentau a llyfrgell pigmentau planhigion fel cyfeirbwynt ac adnodd i artistiaid eraill.

**Y Gweithdy:** - 
**11am-1pm:** 

- Cyflwyniad i indigo

- Defnyddio cafn indigo sydd wedi’i baratoi ymlaen llaw i liwio samplau ffabrig, papur ac edafedd

- Defnyddio dail indigo a glaslys ffres

**1.30pm-3.30pm:** 

Creu eich cafn indigo wedi’i eplesu dau litr eich hun i fynd adref gyda chi

*Nid yw cinio yn rhan o bris y tocyn. ⁠Mae croeso i chi ddod â chinio gyda chi neu ymweld â'r caffi ar y safle.*

Mae'r telerau ac amodau ar gyfer ein cyrsiau ar gael i'ch ystyried fan hyn.