Arddangosiad:Gwely Sied 21

Y Cysyniad a’r Broses 

Crëwyd yr ardd hon ar y cyd â grŵp bach o oedolion sy’n cael eu cefnogi gan Mirus*. 

Dewisodd y tîm Warws yr Amgueddfa i ysbrydoli eu cynllun. Efallai y gwelwch chi’r rhif ‘21’ wedi’i baentio’n uchel ar du allan yr adeilad. Dyma rif yr hen sied drafnidiaeth, oedd ar un adeg yn storio nwyddau fyddai’n cyrraedd a gadael drwy’r dociau a’r rheilffyrdd. 

Byddai rhai eitemau egsotig megis bananas yn cael eu cludo yma, a sbardunodd y grŵp i blannu planhigyn banana yn yr ardd. 

Mae’r bricwaith yn adlais o’r cledrau trên oedd yn arfer rhedeg drwy’r ardal hon lle mae gardd GRAFT heddiw. 

Roedd y tîm yn awyddus i’r gofod adleisio arlliwiau cynnes briciau a llechi’r adeilad, yn ogystal â’i siapiau a’i weadau, gan ddod ag ychydig o’i hanes i mewn i’r ardd. 

Y Tîm – Mirus  

Mae Mirus yn rhoi cymorth i bobl ag anableddau dysgu neu salwch meddwl a phobl awtistig allu gwneud y pethau maen nhw’n eu caru, cyflawni eu hamcanion a byw bywydau da yn eu cymunedau. 

Y Dylunydd – Emma Yousef 

Gweithiodd y dylunydd gerddi gwobrwyog Emma Yousef yn agos â’r grŵp, gan eu helpu nhw i ddewis y planhigion, y cynllun, a sut allai popeth blethu i greu gardd brydferth. 

Yr Artist – Ren Wolfe 

Helpodd yr artist Ren Wolfe y grŵp i greu gosodwaith crog, gan ychwanegu symudiad a sŵn ‘cloncian’ i’r ardd, wedi’i ysbrydoli gan synau posib Sied 21 ar ei hanterth. 

Y Planhigion 

Daeth y planhigion hardd hyn o Ganolfan Arddio Killan Fawr, Dyfnant, Abertawe, sy’n lleol i’r Amgueddfa.