Digwyddiad:CSI Abertawe

Dewch draw i’r orielau gyda’r hwyr i ymuno â’r Tîm Archwilio Trosedd, gan ddefnyddio technegau gwyddonol go iawn i astudio’r dystiolaeth a darganfod y dihiryn. 

Allwch chi helpu i ddarganfod beth ddigwyddodd?  

Dirgelwch yr Amgueddfa 

Yn ystod ei batrôl boreol arferol, mae swyddog diogelwch wedi dod o hyd i weithiwr cynnal a chadw’r amgueddfa yn anymwybodol... 

I ddechrau, roedd yn ymddangos fel damwain syml yn y gweithle, ond yn fuan daeth ymchwilwyr o hyd i dystiolaeth a oedd yn awgrymu rhywbeth llawer mwy sinistr. 

Yn ddiweddar, mae’r Amgueddfa wedi datgelu arddangosfa newydd ysblennydd sy’n cynnwys trysor o’r 16eg ganrif a gafodd ei adfer o longddrylliad y llong Ann Francis. Ymhlith y darnau o aur ac arian disglair, mae clo cyfuniad cymhleth o un o’r cistiau trysor, clo sydd heb ei ddatrys ers canrifoedd. 

Roedd cynnwrf ymysg staff yr amgueddfa pan ddaethon nhw o hyd i ail glo oedd yn rhan o’r un trysor! Credir bod y clo newydd, sy’n cael ei roi ar ddangos heddiw, yn cynnwys map cudd a allai arwain at ffortiwn a gladdwyd yn gyfrinachol gan y smyglwr drwg-enwog Francis Shaxton. 

Ond pan aeth y curadur i nôl yr arteffact o ddaeargell yr amgueddfa y bore yma, roedd wedi diflannu..! 

Doedd dim arwyddion bod rhywun wedi gorfodi eu ffordd i mewn i’r ddaeargell, dim cloeon wedi’u difrodi, a dim tystiolaeth bod rhywun wedi torri i mewn i’r adeilad. Mae’n ymddangos bod pwy bynnag a gymerodd yr ail glo yn gwybod yn union ble roedd yn cael ei gadw a bod ganddyn nhw’r awdurdod i fynd i mewn i’r ddaeargell. 

Nawr, gyda gweithiwr amgueddfa wedi’i anafu ac arteffact amhrisiadwy ar goll, mae’r heddlu’n credu mae rhywun o’r amgueddfa sy’n gyfrifol. 

Eich her chi yw edrych ar y dystiolaeth, a defnyddio technegau ymchwilio gwyddonol i brofi’r bobl sy’n cael eu hamau cyn i’r lleidr ddiflannu…🔎🔐🏴‍☠️