Digwyddiad:Siôn Corn Danddaear:  300 troedfedd o Hwyl yr Ŵyl 

Gyda goleuadau'n disgleirio yn erbyn waliau carreg cadarn mae Siôn Corn yn aros i glywed eich gobeithion Nadoligaidd.

Cyfleg i'r teulu cyfan brofi hud y Nadolig mewn lleoliad cwbl unigryw pwll glo go iawn. Teithiwch 300 troedfedd i grombil y ddaear a dilyn ôl traed cenedlaethau o lowyr ar hyd y twneli sydd nawr yn llawn o Hwyl yr Ŵyl.

Bydd teuluoedd yn gallu:

Teithio 300 troedfedd danddaear i bwll glo go iawn.

Cyfarfod Siôn Corn gyda chyfle i bob plentyn gael sgwrs gydag e a chael tocyn i'w gyfnewid am anrheg ar ôl dychwelyd i ben y pwll.

Gwybodaeth pwysig

Bydd y daith yn para tua 40 munud.

Rhaid archebu tocyn ar gyfer pob aelod o'ch grŵp. Rhaid i blant fod yng nghwmni oedolyn drwy'r amser.

Mae'r daith danddaear yn anaddas i blant dan 1m o daldra ond bydd croeso iddyn nhw fwynhau stori yng nghwmniSiân Corn.

Rhaid i bob ymwelydd allu cerdded yr holl ffordd yn cario pecyn batri ac yn gwisgo helmed.

Rhoddir anrhegion ar gyfer tocynnau plant yn unig. Sicrhewch eich bod yn dewis y nifer cywir o docynnau plant ar gyfer y plant yn eich grŵp.

Os byddwch chi hefyd yn ymweld â Siân Corn bydd yr anrheg a gewch chi yn wahanol. ⁠

Rydym yn cadw'r hawl i ganslo tocynnau am resymau technegol a byddwn yn ymdrechu i'ch hysbysu cyn gynted ag y byddwn yn ymwybodol bod hyn yn angenrheidiol. ⁠Dan amgylchiadau felly, byddwn ni'n rhoi ad-daliad llawn.

Mae ymweliad Siôn Corn yn digwydd ar hyd llwybr sy'n addas i gadair olwyn. Efallai y bydd angen i grŵp o ymwelwyr sy'n cynnwys defnyddiwr cadair olwyn fynd drwodd yn ystod eich profiad er mwyn iddyn nhw allu parhau â'u taith danddaearol. Os bydd hyn yn digwydd, bydd Siôn Corn yn cynnwys hyn yn y profiad. Diolch am eich dealltwriaeth.

Os byddwch chi'n archebu sesiwn Iaith Gymraeg, bydd Siôn Corn a'n Coblyn tanddaearol yn siaradwyr Cymraeg. Fodd bynnag, ni fydd pob aelod o staff y byddwch chi'n cwrdd â nhw yn ystod eich ymweliad yn gallu siarad Cymraeg. Rydyn ni wir yn gwerthfawrogi eich dealltwriaeth.

Am resymau Iechyd a Diogelwch mae tocynnau defnyddwyr cadair olwyn ar gael am 10am a 3pm.

Rhaid i chi gofrestru yn y dderbynfa 30 munud cyn amser dechrau eich taith.

Byddwch chi'n mynd i bwll glo go >iawn, felly na fyddwch chi'n gallu tynnu llun gyda Siôn Corn, ond bydd cyfle unigryw i chi dynnu lluniau eich teulu eich hun pan ddewch chi i fyny o dan y ddaear. Dyw hyd yn oed Siôn Corn ddim yn cael torri'r rheolau mewn pwll glo go iawn!

Mae ein rhaglen gyhoeddus yn cael ei chefnogi’n hael gan chwaraewyr Postcode Lottery.