Y Rhaglen
Digwyddiad:Ymweld â Gwesty’r Vulcan
Dewch i ymweld â Gwesty’r Vulcan – yr adeilad hanesyddol diweddaraf yn Sain Ffagan.
Mae'r Vulcan ar agor 12pm - 4pm dydd Llun i ddydd Gwener o 7 Hydref. Mae'r dafarn ar agor 10am - 5pm yn ystod penwythnosau.
Cafodd Gwesty'r Vulcan ei gofrestru fel tafarn (ale house) ym 1853, i wasanaethu’r gymuned Wyddelig yn bennaf yn lle oedd yn cael ei alw’n Newtown ar y pryd. Yn ystod ei hanes hir fe welodd newidiadau mawr wrth i Gaerdydd dyfu’n ganolfan ddiwydiannol a phrifddinas y genedl. Caeodd drysau’r dafarn am y tro olaf yn 2012.
Mae’r Vulcan yn cael ei chyflwyno fel ag yr oedd hi yn 1915, blwyddyn bwysig i’r dafarn. Roedd hi newydd weld gwaith ailwampio mawr pan ychwanegwyd y teils brown a gwyrdd ar flaen yr adeilad, ac ail-ddylunio’r ystafelloedd.
Gallwch chi brynu diod, neu mwynhau’r awyrgylch a phrofi sut lle oedd y Vulcan yn 1915.
Gwybodaeth i ymwelwyr:
• Rydyn ni’n disgwyl bydd y dafarn yn brysur iawn am yr wythnosau cyntaf a bydd rhaid i chi giwio i gael mynediad
• Does dim hawl mynd a phramiau neu cŵn i mewn i’r dafarn
• Mae croeso i chi ymweld â’r Vulcan heb brynu diod
• Does dim rhaid archebu le o flaen llaw.
Dysgwch mwy am hanes y dafarn
Beth am fynychu cwis yn Y Vulcan?
Gwybodaeth
Bar Gwesty'r Vulcan
Ymweld
Oriau Agor
Bydd ein horiau agor yn newid dros y gaeaf.
O ddydd Llun 4 Tachwedd tan ddydd Gwener 28 Chwefror 2025, byddwn ni ar agor rhwng 10yb-4yp bob dydd.
Bydd gwahanol oriau agor ar gyfer ein digwyddiadau Nadolig – gweler tudalennau'r digwyddiadau ar ein gwefan am ragor o fanylion.
Parcio
Os ydych chi’n gyrru i’r Amgueddfa bydd yn rhaid talu am barcio, £7 y diwrnod, gallwch dalu trwy ddefnyddio arian parod neu gerdyn. AM DDIM ar gyfer ddeiliaid bathodynnau anabl a beiciau modur. Tocyn tymor 12 mis am £30. Tâl am barcio yn unig yw hwn – mae mynediad am ddim i’r Amgueddfa fel arfer. Os ydych chi’n gyrru i’r Amgueddfa, fe fydd y mynedfeydd o bentref Sain Ffagan a’r A4232 ar agor.
Ymweld â ni ar drafnidiaeth gyhoeddus, beic neu ar droed?
Gallwch drefnu'ch taith drwy ddefnyddio wefan Traveline Cymru neu drwy ffonio eu llinell gymorth ar 0800 464 0000.
Bwyta, Yfed, Siopa
- Mae’r bwyty a caffi ar agor yn ystod eich ymweliad.
- Bydd y siop ar agor yn ystod eich ymweliad.
- Mae croeso i chi dod â phicnic i’r Amgueddfa.
Mynediad
> Canllaw MynediadGwybodaeth Diogelwch ar gyfer Ymwelwyr
Oherwydd natur hanesyddol y safle, sylwch ar y peryglon potensial canlynol, os gwelwch yn dda:
- Pyllau dŵr a llynnoedd
- Perygl o faglu ar lwybrau a stepiau anwastad
- Arwynebedd llithrig llwybrau, llethrau a mannau glaswelltog
Lleoliad
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd