Y Neuadd Fawr

Ein Neuadd Fawr eiconig yw calon Amgueddfa Genedlaethol Caerdydd. Gyda’i phileri marmor hardd, ei phensaernïaeth glasurol a’i nenfwd cromennog ysblennydd, go brin y cewch chi le mwy mawreddog i gynnal digwyddiad yn y brifddinas.

Mae’r ardal ganolog yn llawn bwrlwm pan fydd yr amgueddfa ar agor, ac mae’n trawsnewid yn ofod mawr ac addasadwy ar gyfer digwyddiadau ar ôl i'r cyhoedd fynd adref.

Mae’n ddelfrydol i gynnal cinio gala, seremonïau gwobrwyo, derbyniadau mawr, ac me lle ar gyfer llawr dawnsio. Mae llwyfannau, arddangoswyr cynadledda a hyd yn oed disgos tawel i’w gweld yma'n rheolaidd.

Mae'r Neuadd Fawr yn cyd-fynd yn ardderchog â llogi ein Horielau Argraffiadol a Modern.

Mae nifer y lleoedd yn amrywio o 270 ar gyfer cinio rownd bwrdd, 300 ar gyfer cynllun theatr neu 400 yn sefyll. Mae ein lleoliad yn gwbl hygyrch diolch i ramp y prif ddrysau a lifftiau i bob lefel, gan gynnwys y tai bach.

Siaradwch â ni am unrhyw ofynion pwrpasol, boed yn oleuadau yr un lliw â'ch brand, offer clyweledol, systemau PA neu addurno'r gwagle mewn ffordd arbennig, ac i wybod mwy am opsiynau arlwyo.

Mae'r Neuadd Fawr yn ddigon eang i gynnal pob math o adloniant, gan gynnwys corau, artistiaid clasurol, bandiau, dawnswyr awyr a mwy. Siaradwch â'n tîm arbenigol am argymhellion.

Ymhlith y cleientiaid sydd wedi mwynhau nosweithiau yn ein horielau yn y gorffennol mae Knights Brown Construction, Vodafone Business a Celtic English Academy.

Mae prisiau llogi lleoliad unigryw yn dechrau o £3,900 + TAW. Cynigir pecynnau arlwyo ar wahân. Cysylltwch â'n tîm digwyddiadau i gael dyfynbris ar gyfer anghenion eich digwyddiad.