Digwyddiad:Dydd Gŵyl Dewi

Lle gwell i ddathlu Dydd Gŵyl Dewi na Sain Ffagan Amgueddfa Werin Cymru?

Ymunwch â ni wrth i ni ddathlu’r diwrnod arbennig hwn gyda:

• Cyfle i weld casgliad arbennig o delynau a chadeiriau Eisteddfod o storfa Amgueddfa Cymru.
• Cerddoriaeth fyw ar y delyn am 10.30am, 11.30am, 1.30pm a 2.30pm.
• Dawnsio gwerin traddodiadol am 1.30pm a 3pm.
• Perfformiadau gan gerddorion a chlocswyr Trac Cymru am 10am, 11.15am, 12.30pm, 2.15pm a 3.15pm. 
• Cyfle i gamu i mewn i'r gegin hanesyddol yn Llwyn-yr-eos wrth i'r teulu baratoi at y gwanwyn am 11am-1pm a 2-4pm.
• Gweithgareddau crefft teuluol am ddim drwy gydol y diwrnod.
• Cyfle i ddysgu sut i hau hadau treftadaeth gyda'r elusen garddio gynaliadwy Garden Organic. Fel rhan o benblwydd Llyfrgell Hadau Treftadaeth (Heritage Seed Library) yn 50 oed, mae’r elusen yn cynnal Ras Gyfnewid Hadau unigryw ac yn rhannu hadau treftadaeth gwerthfawr gyda chymunedau a sefydliadau ledled Cymru’r gwanwyn hwn.
• Dechrau'r tymor wyna yn Fferm Llwyn-yr-eos. 
   

Ydych chi'n bwriadu mynychu'r digwyddiad?

Cofrestrwch eich diddordeb 

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.