Digwyddiad:Canu yn y Capel

Mae ganddon ni wledd Nadoligaidd i chi eto eleni. Bob penwythnos ym mis Rhagfyr byddwn ni'n cynnal amrywiaeth o weithgareddau i'ch helpu chi fynd i hwyl yr ŵyl.
Dewch i weld yr adeiladau hanesyddol wedi'u haddurno fel y bydden nhw dros y Nadolig yn eu hoes nhw, blasu bwyd a diod y tymor yn ein bwyty, neu fwynhau un o'n digwyddiadau dathlu. 
Rydyn ni hefyd yn disgwyl i un o gymeriadau mawr yn ŵyl i ymweld! Cadwch lygad amdano pan fyddwch chi'n galw draw...

Canu yn y Capel

Pa ffordd well o fynd i ysbryd yr ŵyl na chanu carolau yn yr Amgueddfa? 
Dewch draw i Gapel Pen-rhiw, adeilad o’r 18fed ganrif, ar gyfer un o’n digwyddiadau Nadoligaidd mwyaf poblogaidd. Bydd digon o garolau traddodiadol yn ogystal ag ambell glasur fwy cyfoes.

Gwybodaeth Bwysig

• Rhaid i bawb sy’n dod gael tocyn. 
• Rhaid gadael pob pram tu allan i’r adeiladau hanesyddol.
• Mae sesiynau ar gael yn Gymraeg neu Saesneg. Bydd iaith pob sesiwn wedi ei labeli yn glir ar y dudalen docynnau. Gwnewch yn siwr eich bod yn dewis y tocyn cywir ar gyfer eich dewis iaith.
• Hygyrchedd: Oherwydd natur hanesyddol y Capel, ychydig o le sydd ar gyfer cadeiriau olwyn. Dewiswch le cadair olwyn wrth brynu’ch tocyn.
• Mae eich tocyn Canu yn y Capel yn rhoi gostyngiad o 10% i chi ar ddiodydd poeth yng nghaffis yr Amgueddfa ar ddiwrnod eich digwyddiad.
• Dylai deiliaid tocynnau gyrraedd yn brydlon a dim mwy na 15 munud cyn amser cychwyn eu sesiwn. Caniatewch hyd at 10 munud i gerdded o faes parcio yr Amgueddfa i Gapel Penrhiw.
• Dylid gwisgo dillad addas i’r tywydd. Bydd gofyn i chi aros y tu allan tan amser cychwyn eich sesiwn.
• Nid yw pris eich tocyn yn cynnwys parcio. Codir tâl o £7 y diwrnod am barcio.
• Ni ellir ad-dalu tocynnau ac ni ellir eu cyfnewid am ddyddiad neu ddigwyddiad arall. Gwnewch yn siwr eich bod yn gwbl hapus â’ch dewisiadau cyn archebu.
• Cŵn tywys yn unig ar gyfer y digwyddiad hwn. 
• Mae hwn yn adeilad hanesyddol, ac er ei fod yn hygyrch, dylai ymwelwyr fod yn ymwybodol bod y llawr yn anwastad mewn mannau.
• Dyrennir seddi ar sail y cyntaf i'r felin, nodwch fod y seddau ar y llawr gwaelod a'r llawr cyntaf.
• Cysylltwch â digwyddiadau@amgueddfacymru.ac.uk cyn archebu eich tocyn i drafod unrhyw ofynion hygyrchedd.Mae tocynnau Hynt ar gael ar gyfer y digwyddiad hwn.
• Sicrhewch eich bod wedi cysylltu eich cerdyn Hynt gyda’ch cyfrif Amgueddfa Cymru i hawlio tocynnau am ddim i ofalwyr a chyfeillion drwy’r cynllun hwn.

Mae aelodau yn derbyn gostyngiad o 10%, dewch yn aelod heddiw

Elusen yw Amgueddfa Cymru. Mae popeth a brynwch yn ein siopau a phob rhodd a roddwch, yn ein helpu i sicrhau bod Amgueddfa Cymru yn perthyn i bawb ac yma i bawb ei fwynhau.

Mae rhaglen digwyddiadau Nadolig Amgueddfa Cymru wedi bod yn bosibl diolch i chwaraewyr People's Postcode Lottery.