Mae gennym ddetholiad o adnoddau synhwyraidd i gefnogi dysgwyr yn ystod ymweliad â'n hamgueddfeydd.

Mae'r adnoddau'n cynnwys clustffonau canslo sain, teganau fidget ac offer synhwyraidd eraill.

Gofynnwch am becyn pan fyddwch yn archebu. Mae'n ofynnol i bob ysgol a grŵp drefnu eu hymweliadau ymlaen llaw. Sylwch fod pecynnau yn gyfyngedig ac yn cael eu dyrannu ar sail y cyntaf i'r felin.

Mae sut i gasglu'r pecynnau yn amrywio ym mhob amgueddfa - gweler y manylion isod. Cofiwch ddychwelyd y pecyn ar ddiwedd eich ymweliad.

Rydym yn croesawu unrhyw adborth ar yr adnoddau, fel y gallwn barhau i ddatblygu hygyrchedd yr amgueddfa ar gyfer grwpiau dysgu. 

Mae gan bob amgueddfa Stori Weledol i'ch helpu i gynllunio'ch ymweliad. Gwelwch y tudalennau Digwyddiadau i gael manylion am oriau tawel a gynhelir mewn rhai amgueddfeydd.

Canllawiau Iechyd a Diogelwch ar gyfer defnyddio pecynnau synhwyraidd yr Amgueddfa 

Amgueddfa Genedlaethol Y Glannau

Gallwch godi pecyn synhwyraidd o ddesg y dderbynfa yn Amgueddfa y Glannau. Mae hefyd yn cynnwys map synhwyraidd i'ch helpu i nodi mannau sy'n gyfeillgar i'r synhwyrau yn yr amgueddfa. Dysgu yn Amgueddfa Genedlaethol y Glannau > Sut i Archebu

Sain Ffagan Amgueddfa Werin Cymru

Mae pecynnau ar gael wrth ddesg Canolfan Ddysgu Weston os ydych yn cymryd rhan mewn sesiwn neu os ydych yn ymweld yn annibynnol. Dysgu yn Sain Ffagan Amgueddfa Werin Cymru > Sut i Archebu 

Amgueddfa Genedlaethol Caerdydd

Mae pecynnau ar gael yn ein hystafelloedd dysgu os ydych yn cymryd rhan mewn sesiwn. Dysgu yn Amgueddfa Genedlaethol Caerdydd > Sut i Archebu

Amgueddfa Lechi Cymru

Mae’r pecynnau ar gael yn ein ystafell addysg os ydych yn cymeryd rhan mewn sesiwn, neu mae modd casglu pecyn o’r ddesg groeso yn y siop os ar ymweliad cyffredinol. Dysgu yn Amgueddfa Lechi Cymru > Sut i Archebu

Amgueddfa Wlân Cymru

Mae pecynnau ar gael yn ein hystafell ddysgu os ydych yn cymryd rhan mewn sesiwn, neu gellir eu casglu o’r ddesg groeso os ydych yn ymweld yn annibynnol. Dysgu yn Amgueddfa Wlan Cymru > Sut i Archebu

Big Pit Amgueddfa Lofaol Cymru

Mae pecynnau ar gael yn ein hystafelloedd dysgu os ydych yn cymryd rhan mewn sesiwn. Dysgu yn Big Pit Amgueddfa Lofaol Cymru > Sut i Archebu

Amgueddfa Lleng Rufeinig Cymru

Mae pecynnau ar gael yn ein hystafelloedd dysgu os ydych yn cymryd rhan mewn sesiwn. Dysgu yn Amgueddfa Lleng Rufeinig Cymru > Sut i Archebu