Sgwrs:Ail-fframio Picton: Sgwrs Gyda Gesiye & Laku Neg

Fel rhan o arddangosfa Ail-fframio Picton , ymunwch â ni am brynhawn o sgwrsio gyda Rhwydwaith Arweiniad Ieuenctid y Panel Ymgynghori Is-Sahara (SSAP) a'r artistiaid Gesiye a Laku Neg o Ddarlithfa Reardon Smith yn Amgueddfa Genedlaethol Caerdydd.

Canolbwynt y drafodaeth fydd gwaith Gesiye, Mae’r Briw yn Borth  a Llawn Ysbryd gan Laku Neg, dau osodwaith ymdrwythol a gomisiynwyd fel rhan o arddangosfa Ail-fframio Picton  ac sydd bellach yn rhan o gasgliad celf cenedlaethol Cymru. 

Caiff y digwyddiad ei gyflwyno gan Dr Kath Davies, Cyfarwyddwr Casgliadau ac Ymchwil Amgueddfa Cymru,  a'r cadeirydd fydd un o aelodau Rhwydwaith Arweiniad Ieuenctid yr SSAP.  

Bydd yr artistiaid Gesiye a Mary-Anne, aelod o grŵp Laku Neg, yn ymuno â'r sgwrs yn ddigidol o Drinidad.

Mae Ail-fframio Picton yn ffrwyth partneriaeth rhwng Amgueddfa Cymru a Rhwydwaith Arweiniad Ieuenctid y Panel Cynghori Is-Sahara. ⁠Mae tîm y project wedi bod yn gweithio ers 2020 ar ail-fframio naratif trefedigaethol y portread o’r Is-gadfridog Thomas Picton, llywodraethwr Trinidad rhwng 1798 a 1803.  

Un o ganlyniadau allweddol y gwaith ail-fframio oedd comisiynu dau waith newydd gan artistiaid o Drinidad, er mwyn rhoi llais i brofiad bywyd y bobl gafodd eu hepgor wrth adrodd hanes Picton yn wreiddiol. ⁠  

Artist amlddigyblaethol yw Gesiye sy'n byw ac yn gweithio yn Nhrinidad a Thobago. Mae hi'n creu ffotograffau, ffilmiau, tatŵs, darluniau a pherfformiadau dogfennol i drafod ymgnawdoli a storïaeth fel ffurfiau ar ryddid.  

Cwmni dan reolaeth artistiaid yw Laku Neg sy'n hybu cyflwyno gwybodaeth Affrica ar wasgar. Mae'r cwmni'n cael ei gynrychioli gan bedwar artist o dras Trinidadaidd sy'n byw a gweithio yng Nghymru. 

Tocynnau am ddim i Aelodau