Sgwrs:Tu ôl i'r Llenni: Offer carreg cynhanesyddol o Ogofau Cymru

Cyfle i weld offer carreg cynhanesyddol o gasgliad Amgueddfa Cymru, a dysgu am waith cloddio hanesyddol yn ogofau Cymru. 

Bydd yr ymweliad hwn yn mynd â chi i’r ystafell astudio arteffactau Archaeolegol, sef lle rydyn ni’n darganfod mwy am y casgliadau archaeolegol. 

Byddwch chi'n dysgu mwy am y gwaith sy'n cael ei wneud i ymchwilio, cofnodi a dogfennu offer, gan gynnwys rhai eitemau sy’n 230,000 o flynyddoedd oed, a gafodd eu creu gan Neanderthaliaid a'u canfod yn Ogof Pontnewydd, Sir Ddinbych.

Gwybodaeth Bwysig 

• Bydd y daith yn para tua 45 munud. Cwrdd wrth y Ddesg Docynnu yn y Brif Neuadd.
• Mae'r daith yn costio £8 y pen.
• Bydd y daith yn cael ei chynnal ym mamiaith y curadur, sef Saesneg.
• Oherwydd natur tu ôl i'r llenni'r daith, bydd rhai gofodau lle byddwch chi'n agos iawn at ymwelwyr eraill a'r curadur.
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.

Cymerwch olwg ar yr holl ddigwyddiadau Tu ôl i'r Llenni...