Digwyddiad:Gyda'r Hwyr: Gwyddoniaeth Ar Waith

 Gyda’r Hwyr: sioe wyddoniaeth Gyda’r Hwyr: sioe wyddoniaeth Gyda’r Hwyr: sioe wyddoniaeth a pheirianneg fin nos i’r teulu cyfan, gyda phob math o weithgareddau. 
Bydd pob math o weithgareddau yn ymwneud â chynaliadwyedd, yn ogystal ag ambell hen ffefryn - fel y robotiaid.  
Cyfle i chi gwrdd â gwyddonwyr a pheirianwyr o Amgueddfa Cymru a Phrifysgol Caerdydd, a mwynhau llond trol o weithgareddau rhyngweithiol, hwyliog... a chael bod yn yr amgueddfa wedi iddi dywyllu!

• Dewch i fwynhau glan y môr dan do gyda'n pwll glan môr cartref.
• Profwch eich sgiliau codio yn ein hardal robotiaid
• Byddwch yn greadigol gyda chynaliadwyedd drwy grefftau wedi’u hailgylchu.
• Dysgwch am effaith plastig ar fywyd morol – a beth allwch chi wneud am y peth.
• Defnyddiwch ficrosgop.
• Ewch yn ôl filiynau o flynyddoedd mewn amser drwy drin a thrafod ffosiliau.
• Cwrdd â’r curaduron Gwyddorau Naturiol a blasu ambell drychfil bwytadwy!
• Dysgu sut i ddefnyddio telesgop a gwylio’r sêr.

Digwyddiad partneriaeth rhwng Amgueddfa Cymru ac Ysgol Beirianneg Prifysgol Caerdydd. 

Mae'r digwyddiad hwn am ddim, ond mae pob rhodd, boed yn fawr neu yn fach, yn ein helpu i sicrhau bod Amgueddfa Cymru yn perthyn i bawb ac yma at ddefnydd pawb.

Gallwch chi roi drwy fynd i Ein cefnogi | Amgueddfa Cymru. 

Sylwch, gall gweithgareddau newid ar y funud olaf, felly ffoniwch cyn teithio’n arbennig.

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.