Digwyddiad:Dinomania yn Amgueddfa Genedlaethol Caerdydd

Amgueddfa Genedlaethol Caerdydd
Wedi'i Orffen

Byddwch yn barod am antur anhygoel wrth i Dinomania daranu mewn i Amgueddfa Genedlaethol Caerdydd yr haf hwn.

Hwyl cynhanesyddol i'r teulu cyfan. Bydd cyfle i:

- ⁠Gwrdd â babis deinosor del – ond gwyliwch, maen nhw'n gallu brathu! 

- Dod wyneb yn wyneb â Spike, y Spinosaurus mawr tal a swnllyd! ⁠

- Dysgu ffeithiau syfrdanol am y deinosoriaid. Pa mor gyflym oedd T-rex yn gallu rhedeg? Sut oedd y Velociraptor yn edrych? Mae'r atebion i gyd gan Dinomania! 

- Astudio casgliad ffosilau Dinomania, a dysgu cyfrinachau'r gorffennol pell!

Gywbodaeth Bwysig:

  • Addas i: Teuluoedd  Canllaw oed: 3+ 
  • Pris: £15 Oedolion | £15 Plant.  Archebwch docyn ar gyfer pob person fydd yn dod.  
  • Mae'r digwyddiad yn para 90 munud, ac mae dwy ran.  Rhan 1: Sioe 45 munud / Rhan 2: 45 munud i grwydro'r arddangosfa a chwrdd â deinosoriaid Dinomania.  
  • Mae sesiynau Iaith Arwyddion Prydain ar gael. Os hoffech chi ddod i'r digwyddiad pan fydd cyfieithydd BSL yno, gwnewch yn siŵr eich bod yn dewis slot amser BSL, a chadarnhau wrth archebu eich bod angen cyfieithydd BSL.  
  • Nifer cyfyngedig o docynnau.  Ni ellir rhoi ad-daliad wedi i'r archeb gael ei gwneud.  Rhaid i blant fod yng nghwmni oedolyn gyda thocyn. Bydd y digwyddiad yn cael ei gyflwyno a’i arwain yn iaith gyntaf Dinomania, sef Saesneg. 

Archebwch eich tocynnau nawr, a pharatoi am antur fythgofiadwy! 

Mae'r digwyddiad hwn yn bartneriaeth rhwng Dinomania ac Amgueddfa Genedlaethol Caerdydd.

Gwybodaeth

28 Mai–1 Mehefin 2025, 11am – 12.30pm | 1.30pm – 3pm
Pris MYNEDIAD ARFEROL: £15
Addasrwydd Teuluoedd. 3+
Archebu lle Sesiynau BSL: 11am 31 Mai & 1 Mehefin
Ychwanegu i Outlook / Apple Calendar Ychwanegu i Google Calendar

Clywed mwy gan Amgueddfa Cymru

Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?

Cofrestrwch i'n cylchlythyr heddiw

Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd

Digwyddiadau