Digwyddiad:Tu ôl i’r Llenni: Trysorau Cynhanesyddol Cymru – Darganfyddiadau Diweddar

Tocynnau     

Dyma gyfle, dan arweiniad y curadur a’r archaeolegydd Adam Gwilt, i weld rhai o’r trysorau o’r Oes Efydd a’r Oes Haearn sydd wedi’u hychwanegu i’r casgliad cenedlaethol yn ddiweddar. Bydd yr ymweliad hwn yn mynd â chi i Ystafell Astudio Arteffactau Archaeoleg, lle mae llawer o’r gwaith yn digwydd, ac yn rhoi cipolwg hefyd ar y brif storfa archaeoleg.  Byddwch yn dysgu am rôl yr amgueddfa yn y broses o adrodd am drysor ac wrth ddatgelu gwybodaeth a straeon newydd am ddarganfyddiadau’r cyhoedd yng Nghymru.

Gwybodaeth Bwysig

• Bydd y daith yn para tua 60 munud. Cwrdd wrth y Ddesg Docynnu yn y Brif Neuadd. 
• Mae'r daith yn costio £8 y pen. 
• Bydd y daith yn cael ei chynnal ym mamiaith y curadur, sef Saesneg. 
• Oherwydd natur tu ôl i'r llenni'r daith, bydd rhai gofodau lle byddwch chi'n agos iawn at ymwelwyr eraill a'r curadur. 
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.