Arddangosfa:Picture Post: Eicon o’r Ugeinfed Ganrif

Cyn newyddion 24 awr a’r cyfryngau cymdeithasol, sut oedd pobl yn gweld y byd? Yn y 1930au, gweddnewidiodd Picture Post y ffordd roedd Prydain yn deall ei hun. Cipiodd y cylchgrawn ffotograffig arloesol hwn fywyd bob dydd, digwyddiadau mawr ac ymagweddau cymdeithasol newidiol, gan gyrraedd 1.7 miliwn o ddarllenwyr ar ei anterth.

Mae’r arddangosfa hon yn dod â Picture Post yn fyw drwy ffotograffiaeth drawiadol, gan ddatgelu sut y trawsnewidiwyd Prydain o’r 1930au i’r 1950au. O ryfel a gwleidyddiaeth i gyfnodau o newid diwylliannol, dyma gyfle i ddarganfod yr adegau a ddiffiniodd Prydain.

Dewch i brofi grym ffotograffiaeth i hysbysu, herio a chysylltu – fel y gwnaeth Picture Post am genhedlaeth.

Datblygwyd yr arddangosfa hon mewn partneriaeth ag Archif Hulton (Getty Images) a Chanolfan Hanes y Cyfryngau Tom Hopkinson (Ysgol Newyddiaduraeth, y Cyfryngau a Diwylliant, Prifysgol Caerdydd).  

Mae’r arddangosfa wedi’i chyd-guradu gan Dr Tom Allbeson, Darllenydd yn y Cyfryngau a Hanes Ffotograffig, Prifysgol Caerdydd

Tocynnau

Mae'r arddangosfa yn rhad ac am ddim ac gallwch archebu tocynnau cyn ymweld.  Gwnewch gyfraniad go iawn at ein gwaith o adrodd straeon rhyfeddol Cymru gan roi beth allwch chi – mae eich rhoddion yn ein helpu i sicrhau y gall Amgueddfa Cymru barhau i gynnal arddangosfeydd ysbrydoledig.

Mae ein rhaglen gyhoeddus yn cael ei chefnogi'n hael gan chwaraewyr People's Postcode Lottery.