Digwyddiad:Moroedd Rhyfeddol
Plymiwch gyda ni i ddyfnder y môr ar daith ymdrochol amgylcheddol cwmni theatr syrcas Circo Rum Ba Ba – The Whale - Plastic Ocean!
Dangoswch eich dewrder wrth wasgu i fol Morfil Sberm anferth yn nyfnderoedd cefnfor llawn gwymon. Bydd y syrcas yn defnyddio pypedau, comedi a cherddoriaeth i ddod â byd yr anifeiliaid morol yn fyw, dangos sut maen nhw'n brwydro i fyw mewn byd llawn sbwriel, a gadael gyda gobaith gall pawb wneud gwahaniaeth.
Gyda'ch traed yn ôl ar dir sych, bydd cyfle i weld rhyfeddodau byd natur mewn gosodwaith llawn gwybodaeth sy'n tynnu ar archif yr Amgueddfa i ddathlu cyfoeth y môr a beth allwn ni ei wneud i ddiogelu ei ddyfodol.
- Dwbl y profiad! Rhan 1. Sioe 30 munud yng nghrombil y Morfil / Rhan 2: Cyfle i grwydro'r oriel a dysgu am fywyd morol mewn gosodwaith wedi'i guradu gan ein tîm Gwyddorau Naturiol.
- Cynhelir 6 sesiwn y dydd, pob un yn cynnwys y ddwy elfen.
- Addas i blant 3-10 oed a'u teuluoedd.
- Pris: £12.50 y pen (i blant ac oedolion). Rhaid i blant fod yng nghwmni oedolyn gyda thocyn. Nid yw blant o fewn breichiau dan 1 mlwydd oed angen tocyn.
- x1 lle i gadair olwyn i bob person – gallwch chi archebu ar-lein
- Bydd ymwlelwyr yn mynyrchu'r morfil trwy gropian trwy'r bola!
- Mae archebion grŵp ar gael! Am bob 3 tocyn rydych chi'n eu prynu, gellwch bachu 4ydd tocyn yn hollol RHAD AC AM DDIM. Rhowch 4 tocyn yn y fasged, a bydd y didyniad yn cael ei gyfrifo wrth dalu.
- Bydd dehongliad Iaith Arwyddion BSL ar Ddydd Sadwrn 19eg a Ddydd Sul 20fed am 10.15yb a 10.45yp.
- Nifer cyfyngedig o docynnau. Ni ellir rhoi ad-daliad wedi i'r archeb gael ei gwneud. Rhaid i blant fod yng nghwmni oedolyn gyda thocyn. Bydd y digwyddiad yn cael ei gyflwyno a’i arwain yn iaith gyntaf Circo Rum Ba Ba, sef Saesneg.
Bachwch eich tocyn nawr a dod ar daith fythgofiadwy o'r glannau i ddyfnderoedd y môr!
Gwybodaeth
Clywed mwy gan Amgueddfa Cymru
Ry’n ni yn gweithio ar arddangosfeydd a digwyddiadau newydd a chyffrous - beth am fod ymysg y cyntaf i glywed amdanyn nhw?
Cofrestrwch i'n cylchlythyr heddiw
Bydd eich enw a'ch cyfeiriad e-bost yn cael eu cadw er mwyn anfon ein e-lythyr misol atoch chi. Os oes gennych unrhyw gwestiynau ynghylch eich data a'n defnydd ni ohono, ewch i’n Hysbysiad Preifatrwydd