Sgwrs:Tu ôl i’r Llenni: Cadwraeth Celc o’r Ganrif 1af OC rhan 2

Yr ail mewn cyfres o ymweliadau â’r Labordy Cadwraeth Archaeoleg i weld y gwaith diweddaraf ar y celc o lestri Oes Haearn a Rhufeinig o’r ganrif gyntaf OC. Cafodd y celc ei ganfod yn sir Fynwy, a’i godi fel un darn o bridd a’i gludo i Amgueddfa Cymru i’w astudio yn y labordy. 

Cyfle i glywed am yr wybodaeth ddiweddaraf sydd wedi’i datgelu gan y darnau bach o grochan, bwced a thancardiau, a dysgu sut mae ein microsgop digidol newydd yn ein helpu i ddod o hyd i’r cliwiau lleiaf un!

Gwybodaeth Bwysig

• Bydd y daith yn para tua 60 munud. Cwrdd wrth y Ddesg Docynnu yn y Brif Neuadd.Mae'r daith yn costio £8 y pen.
• Bydd y daith yn cael ei chynnal ym mamiaith y curadur, sef Saesneg.
• Rhaid i bawb wisgo esgidiau caeëdig yn y labordy (dim sandalau).
• Oherwydd natur tu ôl i'r llenni'r daith, bydd rhai gofodau lle byddwch chi'n agos iawn at ymwelwyr eraill a'r curadur.
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.