Digwyddiad:Cynhadledd Cymru Anhysbys 2025

Ymunwch â ni am fore o sgyrsiau cyhoeddus diddorol am fywyd gwyllt Cymru.

⁠Bellach yn 15 oed, mae Cymru Anhysbys yn llwyfan i siaradwyr blaenllaw o bob cwr o'r wlad siarad am eu darganfyddiadau a'u projectau natur diweddaraf.^⁠ ⁠ 

Byddwn ni'n clywed gan bobl sy'n gweithio gydag anifeiliaid a phlanhigion yn y maes, am hen hanes a'r dyfodol. Mae rhywbeth yma at ddant pawb.

Ymunwch â ni ar y diwrnod yn Narlithfa Reardon Smith yn Amgueddfa Genedlaethol Caerdydd, neu cofrestrwch i wylio ar-lein. 

Dyma'ch cyfle chi i glywed gan yr arbenigwyr, ac i ofyn cwestiynau.

Cliciwch i lawrlwytho rhaglen Cymru Anhysbys

Siaradwyr 2025

Arbed a rhannu casgliad ffotograffau adar Morrey Salmon

Cymdeithas Naturiaethwyr Caerdydd

⁠Mae'r casgliad o negatifau plât gwydr ac eitemau eraill a roddwyd i Gymdeithas Naturiaethwyr Caerdydd gan y Cyrnol Morrey Salmon, y ffotograffydd adar enwog, wedi bod yn storfeydd yr Amgueddfa ers rhyw 50 mlynedd. Bydd y sgwrs hon yn cyflwyno'r dyn ei hun, ei frwdfrydedd dros ffotograffio adar, a'r project sy'n cyflwyno'r ffotograffau hyn er mwynhad pawb.

Ynys Echni: bywyd gwyllt ynys anhysbys Caerdydd 

Sarah Morgan, Ymddiriedolaeth Natur De a Gorllewin Cymru

Prin bum milltir o Gaerdydd, ar Ynys Echni, gallwch chi weld chwilod sy'n bwyta cnawd, ffwng sydd wedi teithio'r holl ffordd o Seland Newydd, a drudwns o dramor! Mae gan Ynys Echni ecoleg unigryw a hanes cyfoethog, gyda digonedd i'w ddarganfod o hyd.

Thomas Pennant (1726-1828) a Darllen y Byd

Edwin Rose, Prifysgol Leeds

Thomas Pennant oedd un o naturiaethwyr a hynafiaethwyr blaenaf Cymru. Awdur llyfr newydd fydd yn esbonio sut y lledodd ei ddylanwad y tu hwnt i'w filltir sgwâr yn Sir y Fflint, a sut mae ei waith arloesol yn dal yn berthnasol heddiw.

Pam ddylen ni garu cacwn

Seirian Sumner, Coleg y Brifysgol Llundain, awdur 'Endless Forms: Why We Should Love Wasps' ⁠

Mae cacwn yn gwneud llawer mwy na cheisio dwyn ein picnics ni - mae cacwn o bwys i bobl ledled y byd. Mae bron i bum gwaith yn fwy o rywogaethau cacwn na rhywogaethau gwenyn, ac mae eu gwahaniaethau yn gip ar rai o ddatblygiadau mwyaf hynod esblygiad. Dewch ar daith ryfeddol i fyd cudd y cacwn!

Cranc Manegog Tsieina – Mae'n bla!

Holly Peek, Cyfoeth Naturiol Cymru

Mae Cranc Manegog Tsieina (Eriocheir sinensis) yn rhywogaeth ymwthiol sy'n fygythiad mawr i lannau afonydd a bioamrywiaeth am ei fod yn twrio i'r glannau, niweidio isadeiledd, a disodli rhywogaethau lleol. Mae gwaith ymchwil dychmygus gan Cyfoeth Naturiol Cymru a Phrifysgol Aberystwyth yn edrych ar ffyrdd newydd i ganfod a dal crancod yn Afon Dyfrdwy!

Rhagor o Wybodaeth

• Cynhelir Cymru Anhysbys ynn Narlithfa Reardon Smith, Amgueddfa Genedlaethol Caerdydd.
• Mae mynediad drwy Ddrws y Gogledd ar Plas y Parc, nid drwy Brif Fynedfa'r Amgueddfa.
• Mae drysau'n agor am 9.30am, gyda'r sgyrsiau rhwng 10am ac 1pm. Bydd egwyl fach yn ystod y bore.
• Bydd rhaglen y bore yn cael ei darparu yn nes at y dyddiad, ond gall fod newidiadau munud olaf.
• Mae hwn yn ddigwyddiad hybrid, felly gallwch wylio'r siaradwyr yn fyw yn Narlithfa Reardon Smith, Amgueddfa Genedlaethol Caerdydd, neu gallwch wylio'n rhithiol.
• Mae hwn yn ddigwyddiad byw, ac ni fydd y Gynhadledd ar gael i'e weld ar ôl y digwyddiad.
• Mae tocynnau yn £5 y pen, ar gyfer y Ddarlithfa neu ar-lein, sy'n cyfrannu at y gost o gynnal y digwyddiad. Tocynnau ar gael ar-lein yn unig. Allwn ni ddim derbyn arian parod ar y drws. Prynwch eich tocyn ymlaen llaw os gwelwch yn dda.
• Bydd y sgwrs yn iaith gyntaf y siaradwr. 
• Fydd dim diodydd ar gael, ond mae croeso i chi ddod â diod eich hun. Neu beth am gwrdd â ffrindiau ar ôl y Gynhadledd yng nghaffi'r Amgueddfa? 
• Addas i 12+ 
• Mae Cymru Anhysbys yn fenter ar y cyd rhwng Amgueddfa Cymru ac Ymddiriedolaeth Bywyd Gwyllt De a Gorllewin Cymru. ⁠⁠