Sgwrs:Tu ôl i’r Llenni: Claddedigaeth Cerbyd Rhyfel Celtaidd cyntaf Cymru

Dewch i ddysgu mwy am gladdedigaeth cerbyd rhyfel yn Sir Benfro a ddarganfuwyd ac a gloddiwyd i’r wyneb yn 2018 a 2019.  
Bydd Curadur yr Amgueddfa a'r Archaeolegydd Adam Gwilt a'r Cadwraethwr Archaeolegol Louise Mumford yn disgrifio eu gwaith parhaus, gan adrodd hanes y darganfyddiad anhygoel hwn a dangos rhai o'r arteffactau mwyaf nodedig a ddarganfuwyd yn y gladdedigaeth eithriadol hon sy’n 2,000 o flynyddoedd oed. Dyma gyfle i ofyn i staff yr amgueddfa am eu gwaith o ddarganfod am ein gorffennol, wrth iddyn nhw ofalu am y darganfyddiad unwaith mewn oes hwn a gweithio tuag at ei gyhoeddi a’i gyflwyno dros y blynyddoedd nesaf.
 

• Gwybodaeth Bwysig
• Bydd y daith yn para tua 60 munud. Cwrdd wrth y Ddesg Docynnu yn y Brif Neuadd.
• Cynhelir y sgwrs hon yn y Labordy Cadwraeth Archaeolegol. Rhaid i bawb wisgo esgidiau caeëdig yn y labordy (dim sandalau).
• Mae'r daith yn costio £8 y pen.
• Bydd y daith yn cael ei chynnal ym mamiaith y curadur, sef Saesneg.
• Oherwydd natur tu ôl i'r llenni'r daith, bydd rhai gofodau lle byddwch chi'n agos iawn at ymwelwyr eraill a'r curadur.
• Allwn ni ddim rhoi ad-daliad ar gyfer tocynnau, a fyddwn ni ddim yn ad-dalu neu’n cyfnewid tocynnau i bobl sy'n cyrraedd yn hwyr.